არსებობს ხუთი საქმე, რომლითაც მოიპოვება კურთხევა უფლისა: პირველია წრფელი ლოცვა, მეორე - ფსალმუნთა კითხვა, მესამე - საღვთო წერილთა კითხვა, მეოთხე - შემუსვრილითა გულითა გახსენება ცოდვათა თვისთა, აღსასრულისა და უფლის სამსჯავროსი, მეხუთე - ხელსაქმე.

ბერი ევაგრეოსი

   მადლი ადამიანის სულიერ ცხოვრებაში იგივეა, რაც ფიზიკურ ცხოვრებაში სუნთქვა. ადამიანი სუნთქვის გარეშე სხეულით მკვდარია, ქრისტიანიც მადლის გარეშე ქრისტიანი არაა (რომ. 8,9), სულით მკვდარია.

ეფ. 2,1

 ანგარებიანი არ ინდობს არც მამას, არც დედას, არც ძმებს, არც სხვებს.

ნეტარი ავგუსტინე

    ამბობენ, რომ ცხონება ძნელია, მაგრამ სამარცხვინოა და პატიებას არ იმსახურებს იგი, ვინც მიუხედავად ყველაფრისა ცხონებას ვერ მოიპოვებს.

წმიდა იოანე ოქროპირი

   ცხადია, ამქვეყნიური ცხოვრების დროს ბევრი ვერ ასწრებს, ან ვერ ახერხებს სრულყოფილების საფეხურზე ასვლას. ეს მხოლოდ დიდი წმინდანების ხვედრია. მოციქულის თქმით: „აწ ვიცი მცირედ, ხოლო მერმე ვინცა, ვითარცა შევემეცნე." (1 კორ. 13.12). მაგრამ ვის გულისხმობს და ვისი პირით საუბრობს აქ მოციქული? ნუთუ ეს სიტყვები მხოლოდ იშვიათ რჩეულებს ეკუთვნის?...