„როგორი სწრაფია დრო. ამაოდ კი არ გამოხატავენ დროს ფრთებით, რადგან იგი მართლაც ისე მიედინება, თითქოს ფრთებით მიფრინავს"

* * *

„როდესაც არ მეკითხებიან, რა არის დრო, მე ვიცი, რა არის იგი; ხოლო როდესაც მინდა მისი განმარტება, უკვე საერთოდ აღარ ვიცი"

ნეტარი ავგუსტინე

* * *

„დრო ხანგრძლივი ჩანს მხოლოდ მათთვის, ვინც არ იცის, რაში გამოიყენოს იგი"

* * *

„ადამიანებს, რომლებიც ყურადღებით ეპყრობიან საკუთარ მოვალეობებს, არ ყოფნით საქმე დროისთვის, დრო კი - საქმისთვის"

* * *

„დრო მიჰქრის, მარადისობა კი ახლოვდება"

* * *

„მარადისობა მუდამ და არასდროს არის, ანუ ყოველთვის იქნება და არასდროს დასრულდება"

* * *

„როგორც ნათქვამი სიტყვის, ასევე დაკარგული დროის მოძებნა შეუძლებელია"

წმიდა ტიხონ ზადონელი

* * *

„მუდამ გახსოვდეს მარადისობა და ამქვეყნად არაფერს მოისურვებ"

* * *

„იცხოვრე ისე, თითქოს დღეს უნდა მოკვდე; იმოქმედე ისე, თითქოს მარადიულად იცოცხლებ"

* * *

„იცხოვრე დედამიწაზე დროში ისე, რომ დროის შეწყვეტის შემდეგ მარადიულად ზეცაში იცხოვრო"

* * *

„გაუფრთხილდი დროს. იგი ოქროზე ძვირფასია: მისით შეისყიდება ნეტარი მარადიულობა"

* * *

„არ გაუშვა არცერთი წამი, რომ მისით რაიმე არ შეიძინო მარადიულობისათვის"

* * *

„დაიჭირე წუთები, რათა მოიხელთო წლები და არ გაგექცეს მთელი ცხოვრება"

* * *

„მოუფრთხილდი ყოველ წამს, თითოეულ მათგანზე შენი სიცოცხლე ემყარება!"

* * *

„თუ გიყვარს ცხოვრება, დრო უქმად არ გაფლანგო, იმიტომ, რომ ცხოვრება დროისგან შედგება"

* * *

„სარგებლით იყურე, სარგებლით ისმინე, სარგებლით ისაუბრე, სარგებლით უპასუხე"

წმიდა ბასილი დიდი

* * *

„ყოველ საათს, ყოველ წუთს გაუფრთხილდი, რადგან თვლითაა მოცემული და მათში ანგარიშს მოითხოვენ"

* * *

„საქმე დროის საზღვარია"

* * *

„ყველა დროისთვის არის თავისი საქმე და ყველა საქმისთვის არის თავისი დრო"

* * *

„დროთი უნდა სარგებლობდე: იგი რკინის მსგავსია, რომელიც თუ გაცივდება, გამოჭედვისთვის მოუხერხებელი იქნება"

წმიდა გრიგოლ ღვთისმეტყველი

* * *

„ვაი ზარმაცს! იგი იმ დროის გამო ზღავს, რომელიც ცუდად გამოიყენა და უკვე ვეღარ იპოვის"

წმიდა ნილოს სინელი

* * *

„როგორც ნათქვამი სიტყვის, ასევე დაკარგული დროის მოძებნა შეუძლებელია"

წმიდა ტიხონ ზადონელი

* * *

„გეშინოდეს თუნდაც ერთი დღის დაკარგვისა, იცოდე, რომ იგი არ დაბრუნდება"

* * *

„დროის საუკეთესო გამოყენება მისი საუკუნეებისა და დროის შემოქმედისადმი მიძღვნით შედგება"

* * *

„ვინც უფალს თავის დროს არ მიუძღვნის, მას უფალი თავის ნეტარ მარადისობას მოაკლებს"

წმიდა ეფრემ ასური