„არაფერი ისე სწრაფად და ადვილად არ დაგაზიანებს, როგორც პირფერობა"

* * *

„არ არსებობს იმაზე სასტიკი განსაცდელი, ვიდრე პირფერ ადამიანთან შეხვედრაა"

 წმიდა იოანე ოქროპირი

 

 

* * *

„ვინც გეპირფერება, ის აშკარა მტერზე საშიშია შენთვის"

* * *

„პირფერს ენაზე თაფლი აქვს, გულში კი ღვარძლს ატარებს - სიტყვით მშვიდობას გპირდება, საქმით კი მახვილს გიმზადებს"

წმიდა ტიხონ ზადონელი

 

 

* * *

„ზოგიერთი ჩვენი სათნოების უკანა სახე მრავალ მანკიერებაზე უარესია"

* * *

„ისეც ხდება, რომ ზოგიერთი დიდებისათვის იმდაბლებს თავს"

ამბა დოროთე

 

 

* * *

„ზოგიერთს ბაგეზე მეზვერის სიტყვები აკერია, მაგრამ გული და აზრები ფარისევლისა აქვს"

* * *

„მრავალნი სიტყვით აღიარებენ ღმერთს, ზნეობით კი მასთან დაშორებულნი არიან"

წმიდა გრიგოლ დიოლოღოსი

 

 

* * *

„ზოგიერთი მზად არის, მთელ კაცობრიობას ძმასავით ჩაეხუტოს, მაგრამ ეს მხოლოდ სიტყვით, საქმით კი ძმასაც არ მოეხვევა"

* * *

„მლიქვნელებს ფუტკარივით ბაგეზე თაფლი აქვთ, პირში კი - ბოღმა"

* * *

„მძიმე მდგომარეობაა, როდესაც ბაგეზე სიწმინდეა, გულში კი უკანონობა და ბოროტება"

ამბა ისაია

 

 

* * *

„მიაჩვიე ენა, ის ილაპარაკოს, რაც გულში გაქვს"

* * *

„აშკარა მოტყუებაა, როდესაც ყველას სხვანაირად ექცევიან, ვიდრე ამბობენ და ბაგეებით პირდებიან"

* * *

„ნუ იქნები ორპირი, ანუ სიტყვით ერთს ამბობდე და გულში სხვა გქონდეს; რამეთუ ასეთი, წმიდა წერილის მიხედვით, წყევას ექვემდებარება" (ზირ. 28, 15)

წმიდა მარკოზ მოსაგრე

 

 

* * *

„ყოველთვის ისე მოიქეცი, რომ შენი ქმედებების მიზეზი საერთო წესით მთელ კაცობრიობას ემსახურებოდეს"

* * *

„კი არ უნდა გეჩვენებოდეს, არამედ სინამდვილეში ასე უნდა იყოს"

* * *

„ატარე სათნოების სახე, მაგრამ არა იმისათვის, რომ მოატყუო ისინი, ვინც გხედავენ, არამედ იმისათვის, რომ მათ სარგებლობა მოუტანო"

წმიდა ნილოს სინელი