აბბა ანტონთან ძმები მივიდნენ და განუცხადეს: „გვითხარი სიტყვა, როგორ ვცხონდეთ". ბერმა მიუგო: „წმინდა წერილი ხომ მოგისმენიათ? თქვენთვის ეგეც საკმარისია". „მამაო, შენგანაც გვსურს მოვისმინოთ ამის შესახებ", - არ ცხრებოდნენ ძმები. მაშინ აბბა ანტონიმ უთხრა: „სახარება გვეუბნება: „ხოლო მე გეტყვი თქვენ: არა წინააღდგომად ბოროტისა, არამედ რომელმან გცეს შენ ყვრიმალსა მარჯვენასა, მიუპყარ მას ერთკერძოიცა" (მათ. 5, 39). ძმებმა მიუგეს: „ჩვენ მაგის შესრულება არ ძალგვიძს". ბერმა კვლავ დამოძღვრა: „თუ თქვენ მეორე ლოყის მიშვერა არ შეგიძლიათ, ერთში გარტყმა მაინც დაითმინეთ". „არც ეგ შეგვიძლია", - მიუგეს მათ. მაშინ წმინდა მამამ თავის მოწაფეს მიმართა: „ძმებს ფაფა მოუმზადე, რადგა ისინი სუსტები არიან". შემდეგ კი ძმებს მიუბრუნდა და განუცხადა: „თუკი ერთის გაკეთება არ ძალგიძთ და მეორის გაკეთების სურვილი არ გაგაჩნიათ, მე რას გიშველით? საჭიროა, რომ ილოცოთ!"

იღუმენი მარკოზი (ლოზინსკი)

წიგნიდან „მქადაგებლის პატერიკი"