მართლმადიდებელი მღვდელმსახურის ამოცანაა თავის მრევლს განუმარტოს, რომ ყველანაირი ბოროტების საწყისი ცოდვაა. ის ნებ-ისმიერი ადამიანის შინაგან სამყაროში პოულობს ადგილს. მხოლოდ ქრისტე ღმერთს შეუძლია შეგვეწიოს ცოდვასთან ბრძოლაში. ღვთის მადლი ადამიანს მთელი სისავსით მხოლოდ ერთი, წმიდა, კათოლი-კე და სამოციქულო ეკლესიის საიდუმლოების, ღვთისმსახურების, ტრადიციის მეშვეობით ეძლევა, რაც მართლმადიდებელი ეკლესიის წმინდანების მიერ პირველი საუკუნიდან მოყოლებული უცვლელ-ადაა შენარჩუნებული.

  ლიბერალ-მოდერნისტების ძირითადი ნაკლი ისაა, რომ ისინი არ-ად აგდებენ ეკლესიის დოგმატურ განსაზღვრებებს, ჭეშმარიტ მართ-ლმადიდებლურ სწავლებას ცხონების შესახებ. ლიბერალები უარყო-ფენ, რომ ბოროტების პირველმიზეზი, როგორც ბუნებრივ სამყარო-ში, ასევე ადამიანებში, ცოდვაა. ისინი ამახინჯებენ ბიბლიას, წმინ-დანთა ცხოვრების ზნეობრივ და ისტორიულ ფაქტებს, ტოლობის ნი-შანს სვამენ ღვთაებრივ მადლსა და დემონური ძალების ენერგიას შორის, ხშირ შემთხვევაში უარყოფენ, რომ ქრისტე კაცობრიობის ერ-თადერთი მხსნელია.

  ზოგიერთი ლიბერალი ღვთისმეტყვლი უარყოფს ძველი აღთქმის წიგნების ნაწილს, სადაც საუბარია სამყაროს შექმნის, სასწაულების, მამამთავრების, წარღვნის ისტორიის შესახებ. ყოველივე ამას ისინი მითოლოგიად, ძველ ზღაპრებად ან უბრალოდ სტიქიურ უბედურე-ბებად მიიჩნევენ. მაგალითად, წარღვნას მოდერნისტები არა კაცობ-რიობის ცოდვების გამო მოვლენილ ღვთის რისხვად, არამედ უბრალ-ოდ უბედურ შემთხვევად მიიჩნევენ, რომელიც თურმე ლოკალური ყოფილა. თურმე „თავად ღმერთმა ინება დაებრუნებინა სამყარო ქა-ოსისაკენ, რომელშიც თავიდანვე იმყოფებოდა".¹

   დაბოლოს, ისინი უარყოფენ კაცობრიობის ისტორიის დასასრულისა და ქრისტეს მეორედ მოსვლის გარდუვალ ფაქტს.

   როდესაც წარღვნის ისტორია ლეგენდად ცხადდება, შედეგად ეჭვქ-ვეშ დგება ქრისტეს წინასწარმეტყველებაც სამყაროს აღსასრულის შე-სახებ, რომელიც მათე მახარებლის მიერაა მითითებული (მათ. 2.4). სწორედ წარღვნის მაგალითით ამოწმებს მაცხოვარი მისი მეორედ მოსვლის, ვით უტყუარი ისტორიული მოვლენის წინასწარმეტყვე-ლებას: „ვითარცა-იგი იყვნეს დღეთა მათ შინა პირველ წყლითრღუ-ნისისათა... ესრეთ იყოს მოსვლაცა ძისა კაცისა" (მათ. 24. 37-39).

   არაორაზროვანია სწავლება სამყაროს აღსასრულისა და სამსჯავროს შესახებ, მაგრამ ლიბერალები მას მაინც სხვადასხვაგვარ ინტერპრეტი-რებას უკეთებენ - თითქოს ის „პერპარენტული სამსჯავროა", „ღმერთი არ შეიძლება მარად ტანჯავდეს" და ა.შ.

   ერთი სიტყვით, ყოველი ბოროტების მთავარი მიზეზი - სატანა შენ-იღბული რჩება. მაგალითად, გამოცხადების ტექსტში წერია: „და გარ-დამოვარდა ვეშაპი იგი დიდი, გუელი დასაბამისა, რომელსა ეწო-დების ეშმაკი და სატანა, რომელი აცთუნებს ყოველსა სოფელსა; გა-რდამოვარდა ქუეყანად და ანგელოზნი მისნი მის თანა გარდამო-ცვივეს". (გამოცხ. 12. 9). ლიბერალები ამ წინადადებას განმარტავენ: „ამ შემთხვევაში ბოროტების ყველა გამოვლინება შეერწყმის ერთმა-ნეთს: ქაოსის საშინელება ნახაში (ანუ გველი), რომელმაც აცდუნა ადამიანი ედემში, და დაცემული სული, რომელმაც შეცვალა სამყაროს გეზი".²

  გამოდის, რომ სულ სახვადასხვა არსებებია აპოკალიფსური მხეცი, რომელმაც აცდუნა პირველი ადამიანები და დაცემული სული. ისინი „შეერწყმიან ერთმანეთს, და ესაა ბოროტების გამოვლინება".

   ამრიგად, მოდერნისტ-ლიბერალები უარყოფენ რა მართლმადიდებ-ლურ დოგმატებსა და გადმოცემას, ადამიანს ანტიქრისტიანული ძა-ლების ზეგავლენის ქვეშ ამყოფებენ. ეს კი ათეიზმზე უარესი გახლავთ.

   სახარება გვასწავლის, რომ სამყაროს აღსასრულის ერთ-ერთი ძირი-თადი ნიშანი კაცობრიობაში ჭეშმარიტი სარწმუნოების უკიდურესი შემცირება იქნება. (ლუკ. 18.8). წმ. პავლე მოციქული ამ რელიგიურ-ზნეობრივ მდგომარეობას განდგომილებას უწოდებს და დასძენს, რომ მოვლენა წინ უძღვის ანტიქრისტეს მოსვლას. (თეს. 2. 3-5). განდგომი-ლება არ გახლავთ მხოლოდ ათეიზმი, არამედ გაცილებით უფრო დახვეწილი საცთური, კერძოდ, სიცრუე შერეული სიმართლესთან - ცრუ რელიგიური სწავლებები შემოთავაზებული ჭეშმარიტების სახ-ით.

   მღვდელმონაზონი სერაფიმეს (როუზი) თავის წიგნში „მართლმადი-დებლობა და მომავლის რელიგია" შენიშნავს, რომ საყოველთაო გან-დგომილების ხილული გამოვლინება იქნება ერთიანი უნივერსალური რელიგიის შექმნა, რომელშიც შეეცდებიან არა მხოლოდ ქრისტიან-ული კონფესიების, არამედ არაქრისტიანული რელიგიებისა და წარ-მართული ფორმაციების გაერთიანებას.

  დავასკვნით: „ქაოსის ღვთისმეტყველება", რომელსაც გვთავაზობენ თანამედროვე ლიბერალ-მოდერნისტები, რომელშიც შეინიშნება მყა-რი მართლმადიდებლური განსაზღვრებებისა და გადმოცემის ჩანაც-ვლება „მეცნიერული კვლევებით", გახლავთ ანტიქრისტეს რელიგიის შექმნისკენ გადადგმული კიდევ ერთი ნაბიჯი. სწორედ ეს შეუწყობს ხელს ანტიქრისტეს გამეფებას.

მოამზადა დეკანოზმა კონსტანტინე ჯინჭარაძემ