ადგილი კი არ გვძენს სიწმინდეს, არამედ - ცხოვრების წესი. შეიძლება წმინდა მთაზე იყო, მაგრამ აზრით - მის გარეთ, ხალხში. შეიძლება ფიზიკურად ხალხში იყო, მაგრამ აზრით - ათონზე. თუ შენ ნამდვილი ბერი ხარ, სადაც არ უნდა იყო, ათონი შენთვის ყველგანაა. 

ბერი იაკობი  

***

   ბერი სოფლიდან იმიტომ კი არ გარბის, რომ სძულს სოფელი, არამედ იმიტომ, რომ უყვარს, ამიტომ ბერი ლოცვით და ღვთის შეწევნით მეტს შველის სოფელს, ვიდრე ეს ადამიანის ძალით არის შესაძლებელი. ასე შველის ღმერთი ქვეყანას.

ბერი პაისი

***

   აქამდე არიან მონაზვნები, რომლებიც განიცდიან სიყვარულს ღმერთის მიმართ და მიისწრაფიან მისკენ დღე და ღამე. ისინი ეხმარებიან მსოფლიოს ლოცვით, მაგრამ ეს ზრუნვა უფრო მეტად თავს აწევს  ეკლესიის მოძღვრებს, რომლებიც  ისეთ დიდ მადლს ატარებენ, რომ ადამიანს რომ შეეძლოს ამ მადლის დიდების დანახვა, მთელი მსოფლიო განცვიფრდებოდა, მაგრამ უფალმა დაფარა ეს მადლი, რათა მსახურნი მისნი არ გაამაყებული ყვნენა, არამედ მორჩილებით გადაერჩინათ თავი.                                                             

***

   ბერი - მლოცველია მთელი სამყაროსათვის: იგი ტირის მთელ სამყაროზე და ამაში მდგომარეობს მისი  მთელი საქმე. ვინ აიძულებს მას იტიროს სამყაროსათვის? აიძულებს უფალი იესო ქრისტე, ძე ღვთისა. იგი აძლევს ბერს სულიწმიდის სიყვარულს და ამ სიყვარულისაგან ბერის გული ყოველთვის მწუხარებს ხალხზე, იმიტომ, რომ ყველა როდი გადარჩება. თვითონ უფალი ისე იყო დამწუხრებული ხალხზე, რომ ხალხისთვის ჯვარზე ეცვა.                          

***

   ბერის საქმე არაა ემსახუროს მსოფლიოს თავისი შრომით, ე. ი. ხელით შრომით. ეს საერო ადამიანების საქმეა. (ერისკაცების საქმეა). ერისკაცი ცოტას ლოცულობს, ბერი კი განუწყვეტლივ. ბერების წყალობით დედამიწაზე არასდროს არ წყდება ლოცვა; და ამაშია სარგებლობა მთელი ქვეყნიერებისათვის , რამეთუ მსოფლიო დგას ლოცვით.

წმიდა სილუანე