ანგარებიანი არ ინდობს არც მამას, არც დედას, არც ძმებს, არც სხვებს.

 

 

ნეტარი ავგუსტინე

 

 

* * *

 

არც ერთი ვნება არაა ისე საძულველი და არ იმსახურებს იმდენ დაცინვას, როგორც - ვერცხლისმოყვარეობა.

 

 

წმ. პეტრე დამასკელი

 

 

* * *

 

ვაი, ანგარებისმოყვარეს! სიმდიდრე მისგან გარბის; მას კი ელის ცეცხლი.

 

 

წმ. ნილოს სინელი

 

 

* * *

 

ვერცხლისმოყვარეობა კერპთაყვანისმცემლობაა - ურწმუნოების ასული, საკუთარი უძლურების შეწყნარება, სიბერის მომასწავლებელი, შიმშილის წინამაუწყებელი, უწვიმობის მომტანი.

 

 

* * *

 

ვერცხლისმოყვარეობა თითქოსდა მოწყალების გაცემის სურვილით იწყება და ღატაკთა მიმართ სიძულვილით თავდება.

 

 

* * *

 

ვერცხლისმოყვარე მოწყალეა, ვიდრე ფულს აგროვებს, მაგრამ როდესაც შეკრებს მას, ხელმომჭირნე ხდება.

 

 

ღირსი იოანე სინელი

 

 

* * *

 

ვერცხლისმოყვარეობასთან ბრძოლისათვის პირველ საფეხურზე უნდა გვახსოვდეს, რომ სიმდიდრე - არასაიმედო მეგობარია: ის ან სიცოცხლეშივე მიგვატოვებს, ან ჩვენ დავტოვებთ მას სიკვდილის წუთს. მეორე საფეხურზე კი უნდა გვახსოვდეს, რომ ჭეშმარიტი, უხრწნელი სიმდიდრე - სულიწმიდის მადლია, რომელიც გლახაკს მეფედ აქცევს და ურომლისოდაც მეფე მათხოვრად იქცევა სიკვდილის შემდეგ.

 

 

არქიმანდრიტი რაფაელი (კარელინი)

 

 

* * *

 

ვერცხლის მოყვარეობა მაშინ მჟღავნდება, როცა სიხარულით იღებ და მწუხარებით გასცემ.

 

 

წმიდა მაქსიმე აღმსარებელი

 

 

* * *

 

მომხვეჭველობის ვნება ხშირად მშობლებშიც ბუნების ხმას ახშობს, აღძრავს ძმათა შორის შუღლს, უდაბნოებს ავსებს მკვლელებით, ზღვებს ყაჩაღებით, ქალაქში წარმოშობს ცილისმწამებლებს.

 

 

წმ. ბასილი დიდი

 

 

* * *

 

რადგან ყოველი ბოროტების ფესვი ვერცხლისმოყვარეობაა, რომლითაც გულშეძრული ზოგ - ზოგი შეცდა, რწმენას განუდგა და თავს დაიტეხა ურიცხვი ჭირი.

 

 

პირველი ტიმოთეს მიმართ, თ. 5-6

 

 

* * *

 

ყველა ცოდვა ძველდება ადამიანთან ერთად; მხოლოდ ანგარება ახალგაზრდავდება ყოველდღიურად.

 

 

წმ. ამბროსი მედიოლანელი

 

 

* * *

 

ჯოჯოხეთი არ იტყვის: მეყოფა (იგავნ. 30, 16)! და ანგარებიანიც არასდროს ამბობს: „საკმარისია"!

 

 

წმ. ბასილი დიდი

 

 * * *

 

ვერცხლისმოყვარესთვის სიმდიდრე იგივეა, რაც უგუნურისათვის ხმალი.

 

 

* * *

 

კარგად შეადარა ვიღაცამ ანგარებიანი წყალმაკთან მებრძოლებს. მათ რაც მეტი წყალი აქვთ სხეულში, მით მეტ წყურვილს გრძნობენ, ასევეა ანგარებიანი, რომელსაც ბევრი აქვს და უფრო მეტი უნდა.

 

 

* * *

 

ლითონის ხმა, რომელიც ვერცხლისმოყვარის ყურებს ავსებს, მადლის ხმისთვის აყრუებს მათ.

 

 

* * *

 

როგორც შეუძლებელია ოდესმე ზღვა იყოს ტალღების გარეშე, ასევე ვერცხლისმოყვარე ადამიანის გულს არ შეუძლია დარდის, ურვის, შიშისა და ტანჯვის გარეშე ყოფნა.

 

 

* * *

 

შეუძლებელია, ერთდროულად გიყვარდეს ვერცხლიცა და სულიც.

 

 

წმ.იოანე ოქროპირი