თანამედროვე ლიბერალი გაცილებით მეტს აპროტესტებს, ვიდრე ეს მას გაცნობიერებული აქვს. მას გამუდმებით ესმის - ლიბერალიზმი კვდება. ლიბერალიზმს ხშირად ფაშიზმის იდენტურ ცნებად მოისაზრებენ, რასთანაც მას ასოცირება არ სურს. ეს ნარატივი გაისმის ყველგან მსოფლიოში, მასზე საუბრობენ ფილოსოფოსები, პოლიტიკოსები უბრალოდ მოაზროვნეები. არის მცდელობა შეიქმნას ახალი იდეოლოგიები.

   ლიბერალს გაუჩნდა შიში. მას არა იმდენად ევროპული მომავალი აინტერესებს წმინდა მატერიალური და სანახაობრივი კუთხით, არამედ ის, რომ სინამდვილეში იგი ღირებულების გარეშე რჩება. მთელი მისი მსოფლმხედველობა, ეთიკა, რწმენა - ლიბერალური ღირებულებებით იკვებება და მასზეა დაფუძნებული. და, აი, უეცრად, ის გრძნობს, რომ მას ყველაფერი ენგრევა. ისევე როგორც კომუნისტური იდეოლოგია ათეული წლების წინ ჩაანაცვლა ლიბერალიზმმა, ახლა ხვდება, რომ შესაძლოა მას იგივე დაემართოს. მისი საყვარელი იდეოლოგია შესაძლოა ჩანაცვლდეს! ის ხვდება, ის რასაც მთელი ცხოვრება დასცინოდა, ახლა შესაძლოა მას დაემართოს.

   ლიბერალი სასოწარკვეთილებამ მოიცვა. მართლმადიდებლობა ლიბერალური ინტერპრეტაციის გარეშე, მისთვის უინტერესოა. მას ხომ სინამდვილეში ღვთაებრივი სწავლება და დოგმატიკა არ აინტერესებს. ის ხომ ამას მთელი შეგნებით ებრძოდა. მისი აღმსარებლობა ხომ ინვივიდის თავისუფლებაზე და სარწმუნოების თავისუფალ განმარტებაზეა დაფუძნებული, სადაც ყოვლისშემძლე ინდივიდს უფრო მეტი ძალა აქვს, ვიდრე ღმერთს. ლიბერალს ახლა ერთი რამე აწუხებს არ დაკარგოს „მორწმუნე" ადამიანის ტიტული, რომლის შენიღბვას აშკარა უღმრთოების გამოვლინების გამო ვეღარ ახდენენ.

   კონსერვატიზმი და ტრადიციონალიზმიც მისთვის მიუღებელია. უფრო სწორად, მთავარი მტერია. ამიტომ, ლიბერალი ერთგვარ აგონიაშია. იგი გრძნობს, რომ მასში ნიჰილიზმის სული მძლავრობს. ნიჰილიზმს კი მხოლოდ ნგრევა შეუძლია. ერთადერთს რასაც ის ქმნის, არის ანარქია.

   ლიბერალს სინამდვილეში შველა სჭირდება. თავისი მოქმედებებით ის თითქოს ამბობს - სად არის ხსნა? მას არ ჭირდება რწმენა, მაგრამ იდეოლოგიის გარეშე მას არ შეუძლია. ის გრძნობს, რომ სამყარო იცვლება, უფრო სწორად, ის უკვე რეალურად ხედავს შეცვლილ სამყაროს. ხედავს, რომ სამყარო უწინდელი აღარ იქნება.

   ეკლესია მას რწმენისკენ მოუწოდებს.

   იდეოლოგები სხვა იდეოლოგიებს შესთავაზებენ.

   საინტერესოა, რას აირჩევს პატივცემული ლიბერალი?!

დავით ჯინჭარაძე 

www.xareba.net - ის რედაქცია