ეგვიპტეში ერთ კაცს დავრდომილი ვაჟიშვილი ჰყავდა. სასოწარკვეთილმა მამამ სნეული შვილი მიიყვანა და წმინდა მაკარის სენაკის კართან დატოვა. როდესაც ბერმა მტირალი ყრმა იხილა, ჰკითხა: „აქ ვინ მოგიყვანა?" ბიჭმა უპასუხა: „ამ კარის წინ მამაჩემმა მიმატოვა და თავად წავიდა". მაშინ წმინდა მამამ უთხრა: „ადექი და მოძებნე ის". ყრმა სრულიად ჯანმრთელი წამოდგა, მონახა მამამისი და ისინი სახლში სიხარულით დაბრუნდნენ".

იღუმენი მარკოზი (ლოზინსკი)

წიგნიდან „მქადაგებლის პატერიკი"