ამჟამინდელი ცხოვრება სავაჭრო ადგილად ჩათვალე. თუ ვაჭრობას დაიწყებ, მოგება გექნება, რადგან მცირედის სანაცვლოდ ბევრს მიიღებ და სწრაფწარმავალისთვის - მარადიულს, ხოლო თუ ხელიდან გაუშვებ შესაძლებლობას სხვა დრო ამისთანა გაცვლისათვის უკვე აღარ გექნება.

წმიდა გრიგოლ ღვთისმეტყველი

   დროებითი ტკბობა ადამიანს მარადიულ მწუხარებას უმზადებს, თუკი უგუნურად მიელტვის მას.

წმიდა დიმიტრი როსტოველი

   იფხიზლე, ძმაო! შენ მოკვდავი და წარმავალი ხარ. ნუ მოისურვებ, ამ მცირე დროის გამო მარადიული ცხოვრება დაკარგო.

წმიდა ბარსანოფი დიდი

   ნამდვილი ადამიანი არის არა ის, ვინც სწორად ლაპარაკობს, არამედ ის, ვინც ცხოვრობს სწორედ - სახარების მიხედვით.

ბერი პაისი

   ნუ დაგატკბობს მიწიერი, დროებითი მხიარულება, ეს - ანკესია, რომელიც, თევზივით, იჭერს სულს.

წმიდა ნილოს სინელი

   რაც ერთი წვეთია უსაზღვრო ნაკადთან შედარებით, ის არის ამჟამინდელი ცხოვრება - მომავალთან შედარებით.

წმიდა იოანე ოქროპირი

   რომელი ცხოვრებისეული სიტკბოა, მწუხარება რომ არ ახლდეს თან.

წმიდა იოანე დამასკელი

   უმჯობესია, აქ ყველაფრის დათმენა დროებით და იქ მარადიული სიხარული, ვიდრე აქ წუთისოფელთან ერთად დროებით მოლხენა, იქ კი მარადიული ტანჯვა-წამება.

წმიდა ტიხონ ზადონელი

   შეიგნე, რომ ცხოვრებას არაფერი აქვს, გარდა ცრემლისა, ყვედრებისა, ავსიტყვისა, სიზარმაცისა, შრომისა, სნეულებისა, სიბერისა, შიშისა, სიკვდილისა და აღარ გეყვარება ცხოვრება.

ღირსი მამა ეფრემ ასური

   ჩვენი მოვალეობაა, მთელი ცხოვრება ისე გავატაროთ, რომ როდესაც ამ ცხოვრებიდან გაგვიხმობენ, დაუყოვნებლივ ვთქვათ: „ჩემი გული მზად არის".

წმიდა იოანე ოქროპირი

   ჩრდილსა და ბორბალს ჰგავს ცხოვრებისეული მწუხარება და სიხარული, რადგან ჩრდილივით მარადიული არ არის და ბორბალივით ბრუნავს.

წმიდა ნილოს სინელი

   ცხოვრების მიმდინარე მოვლენები ბაზრობას ჰგავს. ვისაც ვაჭრობა შეუძლია, ის მოგებას იღებს, ხოლო ვისაც არ შეუძლია, დანაკარგს განიცდის.

წმიდა მარკოზ მოსაგრე

   ძალიან მნიშვნელოვანია, რომ ადამიანმა გააცნობიეროს, რა აზრი აქვს მის ცხოვრებას. ამასთან, მან უნდა გააცნობიეროს ცხოვრების კულტურა დაბადებიდან გარდაცვალებამდე.

საქართველოს კათოლიკოს-პატრიარქი ილია II

Xareba.net - ის რედაქცია