ოკულტისტებს კი სიკვდილის შიშისაგან თავის დაღწევის თავიანთი ხერხი აქვთ. ისინი ამბობენ, რომ სიცოცხლეში სატანის მაამებლები, სიკვდილის შემდეგ ჯოჯოხეთის სამეფოს თავადები გახდებიან და ძალაუფლებას სატანა მათთან გაიყოფს.

არქიმანდრიტი რაფაელი (კარელინი)

   ოკულტური და აღმოსავლური მისტიკური მოძღვრებები არ აღიარებენ ადამიანის ცოდვით დაცემის ფაქტს, ანდა მცდარ ინტერპრეტაციას უკეთებენ მას და მის გამო ცოდვით დაცემით მიღებული შედეგების გამოსწორების აუცილებლობის აუცილებლობას ვერ ხედავენ, ვიდრე დაიწყებენ ადამიანში სასწაულებრივი უნარისა და ძალის გახსნას. ღვთის ნების საწინააღმდეგოდ, ხელოვნურად და ძალდატანებით უხილავი სამყაროსთვის გრძნობების განღება სულის სიკვდილს და ადამიანური ბუნების დაზიანებას იწვევს და არც თუ იშვიათად შეუქცევადს. ასეთი მისტიკური პრაქტიკის კატასტროფული შედეგი, ღვთის რისხვის ნიშანი, არა მხოლოდ სიკვდილის შემდეგ უკუნეთში ჩაგდების სახით ელოდება, არამედ ამ ცხოვრებაშიც. თვითკმაყოფილება, პატივმოყვარეობა, ამპარტავნება ადამიანს სინანულისაკენ გზას უკეტავს და შეშლილობამდე, ეგოიზმამდე, უსულობამდე, ცინიზმამდე აღქმის დამახინჯებამდე, ოჯახების დარღვევამდე, დაცემული სულებისგან დაუცველობამდე და თვითმკვლელობამდე მიჰყავს.

მღვდელი ვლადიმერ ელისეევი

   ოკულტური და აღმოსავლური მისტიკურ-რელიგიური სისტემები, მათი ფსიქო-ტექნიკური ხერხები მრავალსახეობისა და გარეგნული განსხვავების მიუხედავად საოცრად ჰგავს ერთმანეთს. ამ ხერხების მიზანია ჩვენი მიწაზე ყოფნის პერიოდი ღმერთის მიერ დადგენილი აკრძალვების უგულებელყოფით უხილავ სამყაროსთან კონტაქტის დამყარება.

   ეს მეთოდები, არსებითად, ჩვენი შინაგანი არსების ჯერ უფურჩქვნელი „კოკორის" ხელოვნური და ძალმომრეობითი გახსნაა, რომელსაც შეუძლია მხოლოდ მახინჯი მსგავსება გამოიწვიოს იმ მომავალი მშვენიერი, გაფურჩქნული ყვავილისა, რომელსაც ღმერთი თავის დროზე დაგვპირდა და რომლის სილამაზეც წმინდა მართლმადიდებელი მოღვაწეების მაგალითზე შეიძლება განვჭვრიტოთ.

მღვდელი ვლადიმერ ელისეევი

   საზოგადოებაში გავრცელდა ცრუ რწმენა, რომ თითქოს ყველა რელიგია მთლიანობაში ერთი და იგივეა. ოკულტიზმი იზიარებს იმ თვალსაზრისს, რომ ყველა რელიგია სხვადასხვა გზით ერთი და იმავე მიზანთან მიდის.

მღვდელი ვლადიმერ ელისეევი

Xareba.net - ის რედაქცია