თვით მოყვასის სიყვარულის გამო არ უნდა შეასრულო ის, რასაც იგი ჭირვეულობის, ვნების, უწესო ჩვევების გამო გთხოვს. ასევე სიყვარულისა გამო არ ჰმართებს მოძღვარს თავისი სამწყსოს მიმართ ზედმეტი დათმობის, სირბილის გამოჩენა.

ეპისკოპოსი იაკობ ნიჟეგოროდელი

   თითოეულის სარგებელი მოყვასის სიყვარულში მდგომარეობს, მოყვასის სარგებელი კი - მის სარგებელში.

წმიდა იოანე ოქროპირი

   თუ ჭეშმარიტად გიყვარს მოყვასი, როგორც ამბობ, ცუდს კი ნუ იტყვი მასზედ, არამედ ილოცე საიდუმლოდ; რადგან სიყვარულის ამგვარი გამოვლინება სათნოა ღვთისთვის.

ღირსი იოანე სინელი

   იმის მიხედვით, თუ როგორ შეითვისებს ადამიანი თავის მოყვასს, შეიძლება ვიმსჯელოთ, მასში არსებული სულიწმიდის დონის შესახებ; თუ ადამიანი თავის ძმაში ხედავს სულიწმიდის ყოფნას, ეს იმას ნიშნავს, რომ მასაც აქვს დიდი მადლი, ხოლო თუ არ უყვარს თავისი ძმა, მაშინ ისიც შეპყრობილია „ავი სულით".

წმიდა სილუანი

   ის, ვინც მოყვასს ისე უყურებს, როგორც საკუთარ თავს, ნუთუ დაუშვებს, რომ იმაზე მეტი ჰქონდეს, ვიდრე მოყვასს აბადია.

წმიდა კიპრიანე კართაგენელი

   მისთვის, ვინც მოყვასის წრფელ სიყვარულში იღლება, დაღლილობა დასვენებად იქცევა. ხოლო ის, ვისაც საკუთარი თავი უყვარს და არაფერს აკეთებს, უსაქმოდ ჯდომისაგანაც იღლება.

ბერი პაისი

   მოყვასის პირში ქება იგივეა, რაც ფეხის დადება სწრაფად მიმავალისათვის.

წმიდა კიპრიანე კართაგენელი

   როგორებიც ვართ ჩვენ მოყვასის მიმართ, ისეთივე იქნება ღმერთი ჩვენს მიმართ.

წმიდა იოანე ოქროპირი

   ყოველი კაცი ჩვენი მოყვასი და ძმაა, უმეტესად კი, რა თქმა უნდა, უბედური და გაჭირვებული.

წმიდა გაბრიელ ეპისკოპოსი

   ცვლილებას, რომელსაც სული გულითად სიხარულთან ერთად განიცდის მოყვასისთვის ჩადენილი სულ მცირე სიკეთის შედეგად, ვერ გამოიწვევს უდიდესი კარდიოლოგიც, თუნდაც დოლარების ტომარა მისცე მას.

ბერი პაისი

   ძმას უნდა შეამეცნებინო სიყვარულით, მშვიდად. მშვიდობა იკარგება, თუ სული პატივმოყვარეობს, ან თავს იმაღლებს ძმის წინაშე, ან განიკითხავს ვინმეს, ან ძმას დაუწყებს შეგონებას მაგრამ არა მშვიდად და არა სიყვარულით; თუ შევჭამთ ბევრს, ან ვილოცებთ მოდუნებულად - ყველაფერი იმისთვის იკარგება მშვიდობა. მაგრამ თუ მივეჩვევით გულითად ლოცვას მტრებისათვის და მათ შევიყვარებთ, მშვიდობა მუდამ იქნება ჩვენს სულებში.

წმიდა სილუანი

   ხოლო თუ შენ მიგაქვს შესაწირავი საკურთხეველთან და იქ გაიხსენე, რომ შენი ძმა ძვირს იზრახავს შენთვის, დაუტევე შენი შესაწირავი საკურთხევლის წინ, წადი, ჯერ შემოირიგე შენი ძმა, და მხოლოდ შემდეგ მოდი და შესწირე შესაწირავი.

სახარება მათესი, თ. 5

Xareba.net - ის რედაქცია