ვიდრე გული განიწმინდება, მას ამსოფლიური სურვილები აქვს და ისინი მას ახარებენ. მაგრამ განწმენდის შემდეგ სულს სწყინდება ამსოფლიური სურვილები, მათდამი სიძულვილს გრძნობს და მაშინ გული სულიერით ხარობს. ამგვარად, ამსოფლიურ სურვილთა ჩახშობით განიწმინდება გული.

მამა პაისი მთაწმინდელი

   მიუხედავად იმისა, რომ ორი თვალი გვაქვს, ერთბაშად არ შეგვიძლია მიწასაც უცქიროთ და ზეცასაც, წინაც და უკანაც, მით უმეტეს, როცა ერთი გული გვაქვს, არ შეგვიძლია, იგი უფალსაც მივაჯაჭვოთ და ქმნილებებსაც.

წმიდა ტიხონ ზადონელი

   მოწყალე გული ცხადად იქნება შეწყალებული, უწყალოს კი - შესაბამისი მიეგება.

წმიდა მარკოზ განშორებული

   როგორი ქვისგულა ხარ მაშინ, როდესაც შემოქმედს შექმნილს ამჯობინებ! შენ მძიმედ გეჩვენება უფლის მსუბუქი ტვირთი („რამეთუ უღელი ჩემი ტკბილ არს, და ტვირთი ჩემი მსუბუქ არს" (მათ. 11, 30)). შენი ტყვეობა თავისუფლება გგონია, მოიცილე გონებიდან სიბნელისა და სიცრუის ეს უმძიმესი საფარველი და შეიცანი, რომ არ არსებობს სხვა თავისუფლება, გარდა ამისა, როცა შენ ემორჩილები უფალს და ზეციური მამის ნებას ხარ მინდობილი, როგორც პავლე მოციქული ბრძანებს: „აწ განთავისუფლებულ ხართ ცოდვისაგან და დამონებულ ღმრთისა და გაქუს ნაყოფი თქუენი სიწმიდედ, და აღსასრულსა - ცხოვრებაი საუკუნოი".

წმიდა ნიკოდიმოს ათონელი

   სანამ შენში ბოროტებას არ გაანადგურებ, გულს არ დაემორჩილო, რამეთუ როგორიცაა მასში ნადები, იმგვარსავე დანართს მოითხოვს.

წმიდა მარკოზ განშორებული

   სასტიკი გული ქალაქში შესასვლელი რკინის კართა მსგავსია, ტანჯულსა და შეურაცხყოფილს კი ისინი თავისით გაეხსნება, როგორც პეტრეს.

წმიდა მარკოზ განშორებული

   ყოველ დროს, ყოველ წამს დაიცავი გული აზრებისაგან, რომელნიც არიან სულიერი სარკის დამლაქავებელნი, რაზედაც მხოლოდ იესო ქრისტე უნდა გამოისახებოდეს, რომელიც არის სიბრძნე მამა ღმერთისა. მუდამ უნდა ვეძებოთ ჩვენში ცათა სასუფეველი და აუცილებლად მოვიპოვებთ მას საიდუმლოდ გონების თვალის განწმენდით. ამისათვის თქვა უფალმა: „ცათა სასუფეველი ღმრთისა შორის თქვენსა არს", გულისხმობდა რა გულში ღვთაების არსებობას.

ფილოფეი სინაელი

   ჩვენი გულის უდიდესი, მუდმივი შეცდომილება, რომელსაც ჩვენ განუწყვეტლივ, მთელი ცხოვრების განმავლობაში უნდა ვებრძოდეთ, ესაა მისი ფარული აზრი, რომ თითქოს ჩვენ შეგვიძლია სადმე, ოდესმე თუნდაც ერთი წუთით ვიყოთ ღვთის გარეშე.

წმიდა იოანე კრონშტანდტელი

Xareba.net - ის რედაქცია