მამა ლაზარემ 80-იანი წლების დასაწყისში დაიწყო სულიერი მოღვაწეობა. იგი თავიდანვე იყო გამორჩეული და ღირსეული ბერი, რომელმაც თავისი დიდი წვლილი შეიტანა ჩვენი ეკლესიის ერთობასა და სულიერ ცხოვრებაში.

   მიუხედავად იმისა, რომ წიგნებს წერდა და მკითხველს სიღრმისეული აზროვნებისათვის განაწყობდა, მისი მთავარი თვისება დუმილით საუბარი იყო. მის გვერდით სიტყვები აღარ იყო საჭირო, ისეთი ველი იქმნებოდა, რომელიც განსხვავებულს და რაღაც ამაღლებულს გაგრძნობინებდა.

   აღვავლენთ ლოცვებს არქიმანდრიტ ლაზარეს სულის საოხად, რათა უფალმან სავანესა მართალთასა დააწესოს იგი, ჩვენ კი არ მოგვაკლოს მისი თანადგომა.

სრულიად საქართველოს კათოლიკოს - პატრიარქი ილია - II