4) ღირსი ანტონი დიდის შემაძრწუნებელი ხილვა ერეტიკოსების შესახებ

   ერთხელ ანტონი დიდმა ჭეშმარიტად შემაძრწუნებელი ხილვა იხი-ლა მართლმადიდებლურ ეკლესიაში ერეტიკოსების არსებობის შესახებ. ეს ხილვა განგვიმარტავს და ნათლად გვიჩვენებს, რატომ უკრძალავდა წმინდა მამათა კრებითი დადგენილება ერეტიკოსებს მართლმადიდებლურ საკურთხეველში შესვლას და მართლმადი-დებლებთან ერთობლივ ღვთისმსახურებაში მონაწილეობას. ერე-ტიკოსები არ აღიარებენ ეკლესიის, მოციქულებისა და წმინდა მამების სწავლებას, ვინაიდან იმყოფებიან თავიანთი მამის - ეშმაკის ზემოქმედების ქვეშ, რომელიც ცრუ აზრებს შთააგონებს მათ. ამიტომ, მათი სწავლება „ისეთივე უნაყოფო, უაზრო და საღ აზრს მოკლე-ბულია, როგორც უტყვი (бессловесни) ხარებისა".

   ღირსი მამა ძლიერ შეძრწუნდა, როცა გამოცხადებით იხილა არიო-ზელები... პირუტყვის სახით, ისინი გარს ეხვივნენ წმინდა ტრაპეზს და შეურაცხყოფდნენ მას. ანტონი დიდის მწუხარება იმდენად ძლიერი იყო, რომ ცრემლი მოეძალა.

   მსგავსად წუხდა და გოდებდა მრავალი კეთილმორწმუნე ქრისტი-ანი, როდესაც ერესმთავარი - პაპი იხილა ფანარის წმინდა დიდმოწამე გიორგის საპატრიარქო ტაძარში შემავალი (რომელიც ვატიკანის მიერ გამოირიცხა წმინდანების ნუსხიდან), სიწმინდის შემბილწველი. დარწმუნებული ვართ, რომ თუ ჩვენი პატრიარქები, არქიეპი-სკოპოსები და ეპისკოპოსები წაიკითხავენ ამ ხილვის შესახებ, ვით მართლმადიდებლები მიბაძავენ წმინდანის ცხოვრებასა და წმინდა სწავლებას, მაშინ უთუოდ შეწყვეტენ ერეტიკოსებთან ერთობლივ ღვთისმსახურებას, ერთობლივ ლოცვას, დღესასწაულებზე დელე-გაციების გაცვლა-გამოცვლას და მისთ. წინააღმდეგ შემთხვევაში ისინიც მათ სათვალავში არიან, რომლებზეც საუბარია ღირსი მამის ხედვაში.

   ღირსი ანტონის „ცხოვრება" მოგვითხრობს, რომ ერთხელ ხელსაქ-მით გართულ წმინდანს ჰქონდა ხილვა - ძლიერ ხვნეშდა. ცოტა ხანში იგი მოუბრუნდა იქ მყოფ ბერებს და შიშითა და ძრწოლით შეუდგა მუხლმოდრეკილ ლოცვას. წმინდა მამა დიდხანს იმყოფებოდა ამ მდგომარეობაში. რომ წამოდგა, ტირილი მოერია. იქ მყოფი ბერები შიშმა შეიპყრო, სურდათ გაეგოთ, რა ხილვა ჰქონდა წმინდანს. დიდხანს ევედრებოდნენ, ბოლოს აიძულეს ეთქვა. ღრმად ამოისუნთქა ღირსმა მამამ და წარმოთქვა: „უმჯობესია, შვილნო, მოვკვდეთ, ვიდრე აღსრულდება ხილვა. დიდი რისხვა დაატყდება ეკლესიას, პირუტყვის მსგავს ადამიანებს მიეცემა ის საჯიჯგნად. ვიხილე უფლის ტრაპეზის ირგვლივ მდგარი ხარები, რომლებიც ფეხებს ურტყამდნენ მას". „თქვენ, რა თქმა უნდა, შენიშნავდით, - განაგრძო წმინდანმა, - როგორ ძლიერ ვხვნეშოდი, ეს იმიტომ, რომ ხმა მესმა: „შებილწულ იქნება ჩემი სამსხვერპლო"." ასეთი ხილვა ჰქონდა ღირს ანტონს, ამბობს წმინდა ათანასე დიდი. ორი წლის შემდეგ ხილვა აღსრულდა. არიანელები დაეპატრონნენ ეკლესიებს, გაძარცვეს საეკლესიო ჭურჭელი და მათ ტარებას აიძულებდნენ წარმართებს. არიანელები წარმართების თანდასწრებით შეურაცხყოფდნენ წმინდა ტრაპეზს. მაშინ ყველამ გავიაზრეთ ანტონი დიდის ხილვის არსი - ხარების ჯიჯგნის სახით ანტონი დიდს წინასწარ ეუწყა არიანელთა პირუტყვული ქმედება. ამის შემდეგ კიდევ ერთი ხილვა იხილა ღირსმა მამამ და შემდეგი სიტყვებით ანუგეშა ძმები: „ნუ მიეცემით სასოწარკვეთილებას, შვილნო, მართალია, განრისხდა უფალი, მაგრამ კვლავ განკურნავს ეკლესიას, დაუბრუნებს თავის დიდებასა და სიწმინდეს. მაშინ იხილავთ, რომ დევნილნი დაბრუნდებიან, უწმინდურნი კი კვლავ თავიანთ ხვრელებში ჩაძვრებიან, ხოლო კეთილკრძალული რწმენა საყოველთაოდ იზეიმებს სრული თავისუფლებით. ოღონდაც „ნუ შეიბილწებით არიანელებთან ერთად იმიტომ, რომ არ არის ის მოციქულებრივი სწავლება, არამედ ეშმაკის პირმშოა. ის ბოროტისაგან იღებს სათავეს, უკეთ რომ ვთქვათ, ისეთივე უნაყოფო, უგუნური, აზრს მოკლებულია, როგორც უტყვი ხარები"." (გაგრძელება იქნება...)

პროტოპრესვიტერი თეოდორე ზიზისი 

Xareba.net-ის რედაქცია