დავითის შეკითხვა: მამაო კონსტანტინე, თქვენი აზრით, რომელ პოლიტიკურ პარტიას უნდა მივცეთ ხმა არჩევნებში?

პასუხი: ყველა ადამიანს ღმერთმა თავისუფალი არჩევანის გაკეთების ნება მიჰმადლა. ვფიქრობ, არჩევანის გაკეთებისას ქართველმა კაცმა თავისი ქვეყნის სულიერი ფასეულობების დამცველ პოლიტიკურ პარტიას უნდა მისცეს ხმა.

შეკითხვა : რომელია ეს ფასეულობები?

პასუხი :

1)     მართლმადიდებელი ეკლესია და მისდამი დამოკიდებულება, მისი როლის გაზრდა საზოგადოებაში, საგანმანათლებლო უწყებებში.

2)    ზნეობრივი საკითხები : საზოგადოების გამრყვნელი გადაცემების, კინო - ფილმებისა და ჟურნალ - გაზეთების,აზარტული დაწესებულებებისადმი დამოკიდებულება და მრავალი სხვა.

3)     დემოგრაფიული პრობლემისადმი დამოკიდებულება, რომელსაც საბედისწერო მნიშვნელობა აქვს ჩვენი ქვეყნისადმი.

4)    სოციალურ საკითხებს, მართალია, პირდაპირ ვერ მივაკუთვნებთ სულიერ ფასეულობებს, მაგრამ საზოგადოების უმრავლესობის უკიდურესი სიდუხჭირე ცალსახად აისახება ადამიანის სულიერ მდგომარეობაზე.