სიტყვა პატერიკიდან

   ყოველი ჩვენთაგანის ვალია, ვიყოთ პატიოსნები, ე.ი. სამართ-ლიანად მოვიქცეთ. რას ნიშნავს ეს?

   ერთხელ სამი ძმა სამკალში წავიდა. ისინი ქირით დაუდგნენ სხვებს და სამოცი ყანა უნდა მოემკათ. მუშაობის დაწყებისთანავე ერთი მათგანი ავად გახდა და საცხოვრებელში დაბრუნდა. დარჩენილმა ძმებმა კი მუშაობა განაგრძეს. ერთმა უთხრა მეორეს:

   -ხედავ, ძმაო, ჩვენი ძმა ავად გახდა. ლოცვად დავდგეთ და უფალს ვთხოვოთ, რომ შეგვაძლებინოს მისი წილი ყანის მომკა.

   ილოცეს ძმებმა. უფალმა გადმოხედა მათ და საქმე კეთილად დაასრულეს: თავიანთი წილიც მომკეს და ავადმყოფი ძმისაც. აიღეს სამკალი, მიიღეს საფასური და წავიდნენ ავადმყოფთან. ძმებმა უთხრეს:

   -აიღე მუშაობის საფასური, ძმაო!

   ავადმყოფმა უპასუხა:

   -რა საფასური, მე ხომ არაფერი მომიმკია.

   -შენი ლოცვით შევძელით შენი წილი ყანის მომკა.

   ასეთმა პასუხმა ვერ დაარწმუნა ავადმყოფი და ფულს არ იღებდა. დაიწყეს კამათი, მაგრამ ვერაფერი გადაწყვიტეს. ისინი რჩევისათვის ღვაწლმოსილ ბერთან წავიდნენ. როდესაც მივიდნენ, ყოფილმა ავადმყოფმა თქვა:

   -მართალია, ჩვენ სამნი წავედით სამკალში, მაგრამ პირველივე დღეს მძიმედ გავხდი ავად და არ მიმუშავია. ახლა ესენი მაძალებენ, სამუშაოს საფასური ავიღო.

   დანარჩენმა ორმა ხუცესს უთხრა:

   -წავედით სამკალში, სამოცი აკრი უნდა მოგვემკო, ამ საქმის შეს-რულება სამსაც გაგვიჭირდებოდა, მაგრამ ავადმყოფი ძმის ლოცვით საქმე სწრაფად და კეთილად დავასრულეთ. ამიტომაც შევთავაზეთ საფასურის ნაწილი. ის კი არ იღებს.

   როდესაც ბერმა მონათხრობი მოისმინა, გაუკვირდა და ერთ-ერთ ბერს უთხრა:

   -შემოკარით სარეკელას, რათა მთელი საძმო შეიკრიბოს და საქმე სამართლიანად განსაჯონ.

   როდესაც ყველა ბერი შეიკრიბა და შეიტყვეს, რაში იყო საქმე, ყოფილ ავადმყოფს უთხრეს, რომ თავისი წილი ფული უნდა აეღო. სასამართლოდან ძმა ატირებული და შეწუხებული გამოვიდა.

   ხედავთ, ძმებო, რას ნიშნავს სამართლიანობა? „არ მიმუშავია, არ მინდა არაფერი, მე საფასურს მხოლოდ ჩემს ნამუშევარში ვიღებ."-ეს სიტყვები მშვენიერი მაგალითია ჩვენთვის, მაგრამ რას ვხედავთ ირგვლივ? უმეტეს შემთხვევაში-მუქთახორობას, სუცრუესა და სიზარ-მაცეს. ოღონდაც ფული ჩავიგდოთ ხელში და არც კი ვფიქრობთ, გვეკუთვნის თუ არა, არც იმაზე ვფიქრობთ, როგორ გავაკეთეთ ეს საქმე, ან საერთოდ, გავაკეთეთ კი? ასეთი საქციელი დასაგმობია, ვინაიდან უფალს სძულს ყოველგვარი უსამართლობა. ამინ.

„სვინაქსარი". ტომი II.