პატივი მივაგოთ მშობლებს

 

როგორ უნდა მოეპყრან შვილები მშობლებს

 

   სვინაქსარში, აგვისტოს მეცხრე დღის საკითხავში არის სწავლება იმის შესახებ, თუ როგორ უნდა მივაგოთ პატივი მშობლებს. ჩვენი აზრით ეს ფრიად ყურადსაღები და სასარგებლოა, ყველა შვილისა-თვის, მათთვის, ვისაც ცოცხალი მშობლები ჰყავთ, განურჩევლად იმისა, თუ როგორები არიან ისინი. ღვთისმოსავმა შვილებმა პატივი უნდა მიაგონ მშობლებს, მათ უნდა უყვარდეთ ისინი და ემორჩი-ლებოდნენ. თუ რა სიკეთე ელით უფლისაგან მშობლების მორჩილ და პატივისმცემელ შვილებს, ამის ცოდნა საჭიროა, რათა დედ-მამის სიყვარული და პატივისცემა ჰქონდეთ. ხოლო მათ, ვინც მშობლების ურჩია და უპატივცემულოდ ეპყრობა დედ-მამას, უწყოდნენ, რომ უფლის რისხვა არ ასცდებათ. ამიტომ სჯობს, გონს მოეგონ და საკუთარი თავი აიძულონ, მშობლების მიმართ ცუდი დამოკიდე-ბულება სიყვარულითა და პატივისცემით შეცვალონ. მაშ, შვილებო, ვისაც მშობლები გყავთ, ყურადღებით ისმინეთ ჩვენი სწავლება და ღმერთმა ქნას, კეთილი სამსახური გაგიწიოთ-კარგ შვილებს უფრო მეტის სიკეთისკენ გიბიძგოთ, ცუდებს კი-გამოსწორებისაკენ.

   ის, ვინც მშობლებს ემორჩილება და მათ ნებას აღასრულებს, ცოდ-ვებსაც განიბანს და უფალიც განადიდებს; ის, ვინც აბრაზებს მშობლებს, იგი უფლის წინაშე სცოდავს და ყველასგან დაწყევლილია; ის, ვინც დედას ან მამას სცემს-განიკვეთება ეკლესიისგან და მოკვ-დება. ნათქვამია, რომ მამისეულ წყევლას გახმობა შეუძლია, დედის წყევლას-ძირიანად ამოგდება. ურჩი შვილი აუცილებლად დაიღუ-პება, ის, ვინც დედ-მამას განარისხებს და ფიქრობს, რომ არ სცოდავს, ეშმაკის თანამონაწილე ხდება, რის შესახებაც ესაიამ თქვა: შეწყა-ლებულ იქნება ბოროტეული, მაგრამ სიმართლეს ვერ ისწავ-ლის; იუკუღმართებს წრფელ ქვეყანაში და უფლის დიდებას არად ჩააგდებს (ეს. 26,10); თუკი მოხუც მშობლებს ვინმე დასცინის, ასეთნი ყვავების საძიძგნი გახდებიან; ის ვინც მამას პატივს მიაგებს, შვილებით გაიხარებს და გაჭირვების ჟამს უფალი მის ლოცვას შეის-მენს; ის, ვინც უფალს მიაგებს პატივს, მშობლების პატივისმცემე-ლიცაა. მამის მორჩილი შვილი, დიდხანს და ბედნიერად იცოცხლებს. ამიტომ, ძმებო, სიტყვითა და საქმით გამოადექით თქვენს მშობლებს, რათა მათი ლოცვა-კურთხევა მიიღოთ. მამის ლოცვა შვილების ოჯახებს ამყარებს, დედის ლოცვა-უბედურებისგან იხსნის. ძმებო, დაეხმარეთ მოხუც მამებს და თუკი მოხუცებულობის გამო მათი საქციელი უკვე არაგონივრულია, გულშიც კი ნუ გაიფიქრებთ მათ უპატივცემულობას; შეიწყალე მამა, ვინაიდან მამაზე ზრუნვა და მისი ლოცვა უფლის წინაშე კეთილ ღვაწლად ჩაგეთვლებათ. არასდროს დაივიწყოთ დედის შრომა და მწუხარება, ის ტკივილი, რაც თქვენს გამო გადაიტანა, არასდროს თქვა: ტანსაცმლითა და საკვებით ბევრ-ჯერ დავეხმარე მშობლებს; ვინაიდან, შენ ისე ვერასოდეს იზრუნებ მათზე, როგორც მშობლები ზრუნავდნენ შენზე. შიშითა და მორჩი-ლებით ემსახურეთ მათ, რათა სააქაოს ბედნიერად იცხოვროთ და მომავალ ცხოვრებაშიც საუკუნოდ ინეტაროთ".

   განა მართლა სულის სასარგებლო მოძღვრება არ არის, შვილებო? დიახ, სასარგებლოა, ვინაიდან თვალს გვიხელს, ცუდებსაც და კარგე-ბსაც; თქვენ, ვინც კარგები ხართ, ამ სწავლებიდან ის დაინახეთ, რომ თქვენი კეთილი ქცევის გამო შვილებით იბედნიერებთ, მწუხარების ჟამს უფალი განუგეშებთ, ბედნიერად იცხოვრებთ, მამის ლოცვა-კურთხევა გაამყარებს თქვენს ოჯახებს; თქვენ კი, ურჩო შვილებო, გაიგეთ, რომ უდიდეს ბოროტებას უკეთებთ საკუთარ თავს, როდესაც მშობ-ლებს არ ემორჩილებით და ამის გამო უფლის რისხვა დაგატყ-დებათ. ახლა კი მისმინეთ: თქვენ, კარგო შვილებო, უკვე იცით, რომ მშობლების პატივისცემისათვის უდიდესი პატივი გელით, ამიტომ, გააგრძელეთ მათი პატივისცემა და სიყვარულით ემსახურეთ. თქვენ კი ურჩებო, გეშინოდეთ უფლის მრისხანების, გამოსწორდით, მშობ-ლებს პატიება სთხოვეთ, მათ წინაშე ჩადენილი ცოდვები მოინანიეთ, იყავით მოყვარულნი, მორჩილნი. აი, მაშინ უფალი რისხვის ნაცვლად წყალობას მოგივლენთ და თქვენ მშობლების წყევლის ნაცვლად მათ ლოცვა-კურთხევას დაიმსახურებთ. ამინ.

 

 

 

„სვინაქსარი". ტომი II.