ღვთისმსახურება

 

   აღსარება და ზიარება არსით ყველაზე აღმატებულია ყოველგვარ ღვთიურ ნიჭთაგან. ამასვე განეკუთვნება წმიდა წერილები.

 

წმიდა მამა ბარსანუფი დიდი

 

 

* * *

   ყველაზე იოლია, მოატყუო საკუთარი თავი და ქედმაღლობდე ცარიელი დიდებით და შენს თავს რაღაცად თვლიდე, როცა არაფერი ხარ.

 

წმიდა გრიგოლ ღვთისმეტყველი

 

 

* * *

   გახსოვდეს ღმერთი, რათა მას ყოველთვის ახსოვდე შენ.

 

წმიდა ისააკ ასური

 

 

* * *

   ერთი თვალით ღვთის გულმოწყალებას უმზირე, მეორეთი კი - მის სამართალს.

 

წმიდა ტიხონ ზადონელი

 

 

* * *

   ვისი გონებაც მიჯაჭვულია რომელიმე მიწიერი საგნისადმი, მას არ უყვარს უფალი.

 

წმიდა მაქსიმე აღმსარებელი

 

 

* * *

   თავიდან პატივი მივაგოთ უფალს, ხოლო შემდეგ უკვე სხვა დანარჩენზე ვიზრუნოთ.

 

* * *

   შენ იზრუნე ღვთისაზე და ღმერთიც იზრუნებს შენსაზე.

 

წმიდა იოანე ოქროპირი

 

 

* * *

   თავისი მრავალმოთმინებისა და უსაზღვრო კაცთმოყვარეობის გამო უფალი დიდი ხნის განმავლობაში გვაფრთხილებს და გვემუქრება ხოლმე, ვიდრე ნამდვილ სასჯელს მოგვივლენდეს.

 

ნეტარი ავგუსტინე

 

 

* * *

   ის ვინც ღვთის მსახურების დროს ამაოდ მეტყველებს, არა მარტო უსარგებლოდ დადის ტაძარში, არამედ თავის თავის საზიანოდაც.

 

წმიდა ბასილი დიდი

 

 

* * *

   თუ წმიდა წერილის თანახმად, მუდამ გემახსოვრება, რომ „ყოველსა ქვეყანასა ზედა არიან სამართალნი" (ფს. 104,7), მაშინ ყოველი შემთხვევა ღვთისშემეცნების მასწავლებლად გექმნება.

 

წმიდა მარკოზ მოსაგრე

 

 

* * *

   მართალია, ტაძარში ლოცვებსა და გალობებს სამღვდელო პირნი წარმოთქვავენ, მაგრამ ერისკაცნიც ღმრთისმსახურების მოზიარენი არიან.

 

წმიდა გაბრიელ ეპისკოპოსი

 

 

* * *

   უფალი ყველაფერს ავსებს და ყველაფრის გარეთ არსებობს.

 

წმიდა იოანე დამასკელი

 

 

* * *

   უფალი ყოველ ადგილას არის, მაგრამ არც ერთ მათგანში არ მდგომარეობს.

 

წმიდა კირილე იერუსალიმელი

 

 

* * *

   უფალი შეუძლებელს არაფერს გვთავაზობს, არამედ მხოლოდ იმას, რისი მიღწევაც შეუძლებელია.

 

ნეტარი იერონიმე

 

 

* * *

   ღვთისმოყვარე არის იგი, ვინც ყოველივე ბუნებისმიერ და უცოდველ საქმეებს არ ეწინააღმდეგება და თუ რაიმე კეთილი საქმის ქმნა შეუძლია, არ დაიზარებს.

 

ღირსი იოანე სინელი

 

 

* * *

   ღმერთზე ფიქრისას სულიც კი თითქოს მუნჯდება და დუმდება... დგება ჟამი დუმილისა და იმისა, რომ ცნობიერებაში ფარულად გვეპყრას ამ გამოუთქმელი საღმრთო ძალის აუხსნელი სასწაული.

 

წმიდა გრიგოლ ნოსელი

 

 

* * *

   ყველაფერი ისე გააკეთე და ყველაფერზე ისე იფიქრე, რომ სათნოეყო უფალს: და თუკი ასე არ ფიქრობ, ყოველგვარი შენი საქმე უფასურია.

 

წმიდა ეფრემ ასური

 

 

* * *

   ჩვენი ცხოვრებაც და ჩვენი ცხოვნებაც ღმერთთან ცოცხალ კავშირში მდგომარეობს. დაცემის შედეგად ჩვენ ეს კავშირი დავკარგეთ: მაგრამ მოვიდა ღმერთი განხორციელებული - ძე ღმრთისა მხოლოდშობილი და თავის იპოსტასში დაცემული კაცობრივი ბუნება ღმერთთან შეაერთა, ყველა მორწმუნე თავის თავთან გააერთიანა და ამით ღმერთს შეუერთა...

 

წმიდა კიპრიანე კართაგენელი