ღვთისა და მოყვასის სიყვარული

  ადამიანმა თავის გაუმაძღარ პირუტყულ ნების წყალობით სიყვარული გარდაქმნა მთელ მსოფლიო ბიწიერების ზღვად, სადაც უბედურდებიან, იღუპებიან მათი მაღალ პიროვნების და ღმერთ - კაცობის შემარცხვენელად.

 

წმიდა ალექსი ბერი

 

 

* * *

   გინდათ, არ გყავდეთ მტრები? გიყვარდეს მტერი შენი, ასეთია სიყვარულის ძალა.

 

* * *

   თუკი ცივია ჩვენი სიყვარული - ცივი იქნება ჩვენი მოღვაწეობაც.

 

* * *

   მხოლოდ გიყვარდეს - და მაშინ შეძლებ, გააკეთო ყველაფერი, რასაც მოისურვებ.

 

* * *

   სამართლიანია ბოროტებში ბოროტება გძულდეს, მაგრამ გიყვარდეს ღვთის ქმნილება.

 

ნეტარი ავგუსტინე

 

 

* * *

   გიყვარდეს ცოდვილნი, მაგრამ გძულდეს მათი საქმენი.

 

წმიდა ისააკ ასური

 

 

* * *

   დიდი რამ სათნოება არის ლოცუა და მარხუა, მაგრამ თვინიერ სიყვარულისა უხმარი არის.

 

წმიდა ანტონ ჭყონდიდელი

 

 

* * *

   ვინც თავის გულში რომელიმე ადამიანის მიმართ რაიმე დანაშაულის გამო სიძულვილის თუნდაც კვალს ამჩნევს, იგი ღმრთის სიყვარულისაგან სრულიად უცხოა. ღმრთის სიყვარული ვერანაირად ვერ იტანს ადამიანის მიმართ სიძულვილს.

 

წმიდა მაქსიმე აღმსარებელი

 

 

* * *

   ვისაც უყვარს ღმერთი სულიწმიდით, მას აუცილებლად უყვარს ღმერთის ყველა ქმნილება, უპირველეს ყოვლისა კი ადამიანი.

 

წმიდა სილუანი

 

 

* * *

   თუ, შენი აზრით, მოყვასი ღირსი არ არის შენი სიყვარულისა, ღირსია ღმერთი, რომლის მონაცაა იგი და რომლის სახესაც ატარებს; ღირსია ქრისტე, რომელმაც მისთვის სისხლი დაანთხია.

 

წმიდა ტიხონ ზადონელი

 

 

* * *

   ნუ მეტყვი, რომ გიყვარს უფალი - ეს მხოლოდ სიტყვებია: მიჩვენე სიყვარული საქმით.

 

წმიდა იოანე ოქროპირი

 

 

* * *

   ნურცერთი ადამიანის მიმართ ნუ გექნება სიძულვილის გრძნობა და ღმერთი შეგიყვარებს.

 

წმიდა ეპიფანე კვიპრელი

 

 

* * *

   საყვარელნო, გიყვარდეთ ერთმანეთი; ვინაიდან სიყვარული ღმრთისაგან არის, და ყველა, ვისაც უყვარს, ღმრთისაგან შობილია, და იცნობს ღმერთს. ვისაც არ უყვარს, მან ვერ შეიცნო ღმერთი, იმიტომ, რომ ღმერთი სიყვარულია.

 

წმიდა იოანე მოციქული

 

 

* * *

   სიყვარულის საქმეები დროის საზღვარს სცილდება, ამიტომ გვეჩვენება, რომ იგი პასიურია. მოვალეობის საქმეები შემოსაზღვრულია მოვლენებითა და სიყუაციებით, ამიტომ გვეჩვენება, რომ იგი შემოქმედებითია.

 

წმიდა ნიკოლოზ სერბი

 

 

* * *

   სიყვარული ღმრთისა დიდი და პირველი მცნებაა ქრისტეს მოძღვრებისა და საფუძველი ქრისტიანული ცხოვრებისა. ამიტომაც უნდა ვზრუნავდეთ, რომ იგი არ შეირყეს ჩვენში და მასთან ერთად ჩვენი სულიერი ცხოვრებაც.

 

წმიდა გაბრიელ ეპისკოპოსი

 

 

* * *

   ღვთისადმი სიყვარული გამოულეველი საგანძურია; ვინც მას ფლობს, მდიდარია; ვისაც არა აქვს - ღატაკი.

 

წმიდა ბასილი დიდი

 

 

* * *

   ყოველ გონიერ ქმნილებაში - გინდ მამაკაცი იყოს ის და გინდ ქალი, - არის ძალი სიყვარულისა, რომლის მეოხებითაც ადამიანებს უნარი აქვთ მიემთხვიონ სიყვარულს ღვთისასაც და კაცისასაც. ღვთივ სულიერთ - ღვთაებრივი უყვართ ყოველივეში, ხორციელთ კი - სხეულებრივი და ნივთიერი.

 

წმიდა ეფრემ ასური

 

 

* * *

   ჭეშმარიტი სიყვარული ღმერთისაგან მომდინარეობს და მხოლოდ იმას მოენიჭება, ვინც განუწყვეტლივ აიძულებს თავს, უარყოფდეს საკუთარ ნებას და ყოველივეში მხოლოდ ღმერთის ნებას ასრულებდეს.

 

წმიდა ანტონი დიდი