თავმდაბლობა

  ადამიანები სიმდიდრეს ანიჭებენ უპირატესობას; ღვთისთვის კი თავმდაბალი სულია სათნო.

 

* * *

   ადვილად შეგეძლოს, ყველაფრის უგულებელსყოფა განდიდებისას და ნუ იქნები დიდი შენს სიმცირეში.

 

* * *

   რაც მარილია ყოველგვარი საკვების გარეშე, იგივეა თავმდაბლობა ყოველგვარი სათნოების გარეშე.

 

* * *

   ყველა მდუმარე როდია თავმდაბალი, მაგრამ ყველა თავმდაბალი უტყვია.

 

წმიდა ისააკ ასური

 

 

* * *

   გაიხსენე ძლიერთა დაცემა და საკუთარ სათნოებებში დამდაბლდი.

 

წმიდა ეფრემ ასური

 

 

* * *

   გიყვარდეს თავმდაბლობა: იგი შენს ცოდვებს დაფარავს.

 

წმიდა ანტონი დიდი

 

 

* * *

   გსურს პირველობა? - ის ჯერ სხვას დაუთმე.

 

* * *

   ვინც გრძნობს, რომ მას ბევრი კეთილი უქმნია და არ იფიქრებს, რომ ის ყველაზე უკანასკნელია, ის ვერავითარ სარგებლობას ვერ მიიღებს ვერც ერთ თავის კეთილ საქმეთაგან.

 

* * *

   ვინც ღვთის წინაშე თავს იმართლებს, არაწმიდაა, ყველაზე წმიდანიც რომ იყოს; და პირიქით, ვინც თავს ყველაზე უკანასკნელად თვლის, განმართლდება.

 

* * *

   ნურც ცოდვების გამო ჩავვარდებით სასოწარკვეთილებაში და ნურც ზედმეტად დავამყარებთ იმედებს კეთილ საქმეებზე.

 

წმიდა იოანე ოქროპირი

 

 

* * *

   დიდია ის კაცი, რომელიც გინებას სიხარულით აიტანს, ხოლო წმინდა და პატიოსანია, ვინც ქებას უვნებელი გადაურჩება.

 

წმიდა იოანე სინელი

 

 

* * *

   ვერაფერი შეედრება თავმდაბლობის სათნოებას; ეს არის დედა, ფესვი, საკვები, საფუძველი და კავშირი ყოველი სიკეთისა.

 

* * *

   თავმდაბლობა ყველაზე მართებული მცველია სათნოებებისა.

 

წმიდა ბასილი დიდი

 

 

* * *

   ვინც მეტად შეიცნობს უფალს, მით უფრო მდაბალი ხდება, ეშინია და უყვარს იგი.

 

წმიდა ტიხონ ზადონელი

 

 

* * *

   თავის დამდაბლების ყველაზე უკეთესი საშუალებაა, საკუთარი თავი ყველა ქმნილებაზე ნაკლებად ჩათვალო.

 

წმიდა დიმიტრი როსტოველი

 

 

* * *

   ის კი არ წარმოაჩენს თავმდაბლობას, ვინც საკუთარ თავზე ცუდს ამბობს, არამედ ის, ვისაც სხვისგან ყვედრების შემდეგ მისი სიყვარული არ შეუმცირდება.

 

* * *

   ის კი არ წარმოაჩენს თავმდაბლობას, ვინც საკუთარ თავზე ცუდს ამბობს, არამედ ის, ვისაც სხვისგან ყვედრების შემდეგ მისი სიყვარული არ შეუმცირდება.

 

წმიდა იოანე კიბისაღმწერელი

 

 

* * *

   თავმდაბლობის გარეშე მადლის მოქმედება შეუძლებელია, მადლის გარეშე შეუძლებელია სიყვარული; სიყვარულის გარეშე სამყარო ავადმყოფი და უბედური ხდება.

 

არქიმანდრიტი რაფაელი (კარელინი)

 

 

* * *

   მინახავს მე მდაბიო, ნამდვილად თავმდაბალი ხალხი და ისინი ყველა ბრძენზე უბრძენესნი ყოფილან.

 

წმიდა მარკოზ განშორებული

 

 

* * *

   ნუ ისირცხვილებთ, თუ მშობლებისაგან რაიმე ნაკლოვანება დაგყვათ, მაგრამ ნურც მემკვიდრეობითი სათნოებებით იამაყებთ, იმიტომ რომ ღმერთი ჩვენ იმას შეგვეკითხება, თუ როგორ იმუშავა თითოეულმა ჩვენგანმა თავის ძველ კაცზე.

 

ბერი პაისი

 

 

* * *

   სიმდაბლე ყველა სხვა სათნოებათა სამკაულია; სიმდაბლის გარეშე არავითარი წარმატება არ მიიღწევა.

 

წმიდა ამბროსი მედიოლანელი