წმიდა მამათა შეგონებები მარხვის შესახებ

   გემოთმოყვარე შრომობს და დარდობს იმაზე, როგორ ამოივსოს მუცელი საჭმლით; ხოლო როდესაც შეჭამს, იტანჯება საჭმლის მონელების დროს; თავშეკავებას კი თან ახლავს ჯანმრთელობა და სიფხიზლე.

 

 

წმიდა ეფრემ ასური

 

* * *

   დასაბამად როცა ღმერთმა ადამიანი შექმნა, იმთავითვე მარხვის მცნება დაუდო აღსასრულებლად - კეთილისა და ბოროტის ხისაგან არ ჭამოო... და თუკი სამოთხეში იყო აუცილებელი მარხვა, რაოდენ გზის უფრო სამოთხის გარეთაა იგი საჭირო ჩვენთვის, ცოდვას დაქვემდებარებულ ადამიანთათვის!...

 

* * *

   დასძლიე მუცელი, ვიდრე იგი დაგძლევს შენ.

 

* * *

   მარხვა ხორცისა - საზრდოა სულისა.

 

* * *

   მსუქანი მუცელი ვერ დაბადებს ფაქიზ აზრს.

 

* * *

   შეუძლებელია, რომ ცეცხლი წყალში ენთოს, ასევე შეუძლებელია სინანული - მარხვის გარეშე.

 

წმიდა იოანე ოქროპირი

 

* * *

   ეშმაკთა უფროსი დაცემული მთიებია, ხოლო ვნებათა მთავარი - გემოთმოყვარება.

 

წმიდა იოანე კიბისაღმწერელი

 

* * *

   ვინაიდან არ ვმარხულობდით, გამოგვაძევეს სამოთხიდან! ამიტომ ვიმარხულოთ, რათა კვლავ შევიდეთ სამოთხეში.

 

* * *

   რამდენსაც წაართმევ სხეულს, იმდენ ძალას შემატებ სულს.

 

წმიდა ბასილი დიდი

 

* * *

   ვინც ხორცს არ ჭამს და სხვა საჭმელს გადამეტებულად მიიღებს ღვინოს უზომოდ სვამს და ხორცს აპოხებს, უსარგებლოა მისი მარხვა.

                                      

 

წმიდა მაქსიმე აღმსარებელი

 

* * *

   ვისაც არ შეუძლია, თავის თავს რაიმე აუკრძალოს, თავი შეიკავოს ჭამისა და სმისაგან, იგი თავისი თავის უფალი ვერ იქნება; იგი ვერ შეძლებს, წინ აღუდგეს თავისი გულის რომელიმე სურვილს, ან რომელიმე ცოდვილ მიდრეკილებას.

 

* * *

   ნუ დაიჯერებთ, რომ კაცს გამაძღარი სტომაქით ლოცვა და მონანიება შეუძლია.

 

* * *

   ჭამისა და სმისაგან მრავალი სნეულებაა, გარნა მარხვისა და მოთმინებისაგან - არცერთი.

 

წმ. ეპ. გაბრიელ ქიქოძე

 

* * *

   ვშიშობ, რომ ის, ვინც შეგნებულად თავს არიდებს მარხვას, ბუნებრივია, მხედველობაში მყავს ჯანმრთელი ადამიანები, - სერიოზულად არ ზრუნავს თავის გადარჩენაზე.

 

არქიმანდრიტი ეპიფანე თეოდოროპულოსი

 

* * *

   მარხვა ზოგადი სახელია და ბუნების საზღვარია, ესე იგი, ბუნების საზღვრების წეს - რიგის დამცველია, რათა არა გარდახდენ განწესებათა, ვითარცა წერილ არს: „საზღვარი დასდევ, რათა არა გარდახდენ".

 

წმ. ალექსი ბერი

 

* * *

   მარხვა სასარგებლო და მადლმოსილი მხოლოდ იმ შემთხვევაშია, თუ იგი გულში მწუხარებას, გლოვას, თავმდაბლობას გვაგრძნობინებს ჩადენილი ცოდვების გამო.

 

* * *

   მარხვა ცოდვათა ძილისაგან გამოღვიძების ჟამია.

 

წმიდა გაბრიელ ეპისკოპოსი

 

* * *

   საყვარელო, ენით იმარხე, ვითარცა დავით წინასწარმეტყველი გიბრძანებს: „დააცხურე ენა შენი ბოროტისაგან და ბაგენი შენნი ნუ იტყვიან ზაკუასა".

 

წმ. ანტონ ჭყონდიდელი

 

* * *

   სქემის კურთხევა მარხუათა შაბათ კვირიაკე კეთილ არს და აქა ჩუენც თანაშაბათ კვირიაკეთა აღსრულების კურთხევა სქემისაი; უკეთუ კულა სნეულად ვინმე არს და დამძიმდეს, რომელსაც დღესა იკურთხეს კეთილ არს.

 

წმიდა ექვთიმე მთაწმინდელი

 

* * *

   ცეცხლი შეშის მოკლებით სუსტდება, საჭმლის სიმწირით კი უჯერო გულისთქმები მოუძლურდება.

 

წმ. ნილოს სინელი

Xareba.net - ის რედაქცია