ბოროტება

   ანთებულ სანთელთან მფრინავი ბუზი ადვილად იწვის, ხოლო სარკე დაორთქლებით ჩამუქდება; ასევე ავზნიანთან ურთიერთობის მქონე ზიანდება და შეირყვნება.

 

წმიდა დიმიტრი როსტოველი

 

 

* * *

 

არაფერია იმაზე ადვილი, ვიდრე - რაიმე ცუდის გადაღება. ხდება ისიც, რომ ჩვენ არ შეგვიძლია, მივბაძოთ ვინმეს დიდ სათნოებას, მაგრამ ძალიან ადვილად შეგვიძლია, შევითვისოთ მისი ნაკლოვანებები.

 

ნეტარი იერონიმე

 

 

* * *

 

ბოროტება არ იარსებებდა, გონიერი ქმნილება თავისუფალი ნებით რომ არ ყოფილიყო შემოსილი.

 

 

* * *

 

ბოროტს ნუ მოიხსენებ, რამეთუ ავის ხსოვნას რომ ინახავდეს კაცი გულში, ეს იგივეა უბეში შხამიან გველს რომ გამოზრდიდეს.

 

 

* * *

 

გაიძვერა გაიძვერას ხაფანგში იტყუებს, ცოდვილიც თავის მსგავსს ბოროტების სიღრმეში ითრევს.

 

 

 

წმიდა ეფრემ ასური

 

 

* * *

 

ბოროტება ეწოდება ნების არასწორად წარმართვითა და ღვთის მცნებათა დარღვევით გამოწვეულ ზნეობრივი ხასიათის უარყოფით მოვლენებს.

 

პროტოპრესვიტერი მიხეილ პომაზინსკი

 

 

* * *

 

ბოროტება, რომელიც ზრახვებით იკვებება, გულს ათავხედებს, ხოლო მოთმინებითა და იმედით განადგურებული - გულს შემუსრავს.

 

 

* * *

 

ბოროტების ფარულად ჩამდენი დაუფარავ მჩაგვრელზე უარესია; აი, ამიტომაც ისჯება ის უფრო მკაცრად.

 

 

* * *

 

სამი ვნება აბნელებს გონებას: ვერცხლისმოყვარეობა, პატივმოყვარეობა და გემოთმოყვარეობა.

 

 

* * *

 

ყოველგვარ ბოროტებას წინუძღვის უმეცრება, მის შემდეგ მეორე კი ურწმუნოებაა.

 

 

* * *

 

წმინდა წერილის თანახმად, ეს არის წურბელას სამი ასული, დედის - უგუნურების მიერ შეყვარებული (იგავნი 30.15).

 

 

* * *

 

უნდა შეიძულო ვერცხლისმოყვარეობა, პატივმოყვარეობა და გემოთმოყვარეობა, როგორც დედა ბიწიერებისა და დედინაცვალი სათნოებისა.

 

 

 

წმინდა მარკოზ განშორებული

 

 

* * *

 

ბოროტება საკუთარ თავს ვნებს.

 

 

* * *

 

ბოროტი ადამიანები მეტ ზიანს აყენებენ, ვიდრე - შხამიანი გველები; იმიტომ, რომ ისინი აშკარად ატარებენ თავიანთ შხამს, ესენი კი ჩუმად და უგრძნობლად ასნებოვნებენ.

 

 

* * *

 

ის კი არ ზიანდება, ვინც ბოროტებას დაითმენს, არამედ ის, ვინც მას აკეთებს.

 

 

* * *

 

კეთროვანი სუფთასაც აავადებს; ასევე ბოროტებთან ურთიერთობა კარგ ადამიანებსაც რყვნის.

 

 

 

წმიდა იოანე ოქროპირი

 

 

* * *

 

ბოროტეული მაშინაც კი გარბის, როცა არავინ მისდევს, ხოლო მართალნი ლომებივით მშვიდად არიან.

 

იგავნი სოლომონისა, თ. 26-28

 

 

* * *

 

ბოროტეულის საგანძურებს სარგებელი არ მოაქვს, სიმართლე კი სიკვდილისაგან იხსნის.

 

იგავნი სოლომონისა, თ. 8-10

 

 

* * *

 

ბოროტი ჩვეულების უფრო გეშინოდეს ვიდრე მტრებისა.

 

წმიდა ისააკ ასური

 

 

* * *

 

სულის ბოროტებათა დასაბამი საკუთარი თავის სიყვარულია, რაც საკუთარი სხეულის სიყვარულს ნიშნავს.

 

წმ. აბბა თალასე

 

 

* * *

 

ღვთის კაცმა იცის ბოროტი, როცა ბოროტმა არ იცის ადამიანთა კეთილი აზრები.

 

ბერი პაისი

 

 

* * *

 

სჯობს ბოროტი ვიწვნიოთ და მისგან ვევნოთ, ვიდრე თავად ვიყოთ ბოროტის აღმოცენების მიზეზი. უმჯობესია მსხვერპლი ვიყოთ, ვიდრე ბოროტებას ვიქმოდეთ.

 

ნეტარი ავგუსტინე