ნუ წარიკვეთ სასოს

   „შეცოდება - ადამიანური საქმეა; სასოწარკვეთა - სატანური"

წმიდა ნილოს სინელი

* * *

„გაიხსენე ღვთის სამსჯავრო, შეძრწუნდი, მაგრამ არც მისი გულმოწყალება დაგავიწყდეს, რომ სასო არ წარგეკვეთოს"

* * *

„წარიკვეთო სასო - ნიშნავს, თავად წაართვა საკუთარ თავს ღვთის მოწყალება, რომლის მოსაცემადაც უფალი ყოველ წუთს მზადაა"

 

 

* * *

„უზომობა მაცხოვნებელ მწუხარებას ცოდვებზე უმეტესად დამღუპველად აქცევს"

ეპ. ლეონიდე ოქროპირიძე

 

 

* * *

„დაუდევრობა აგდებს ზეციდან, სასოწარკვეთა კი უღრმესი ბოროტების უფსკრულისაკენ მიუძღვის"

* * *

„არ წარიკვეთო სასო, იმიტომ რომ უფალი მოწყალეა; მაგრამ არ უნდა იყო უდარდელიც, იმიტომ, რომ იგი მართალია"

* * *

„არ არსებობს დაგვიანებული სინანული, ვიდრე ადამიანი ამქვეყნად ცხოვრობს"

წმიდა იოანე ოქროპირი

 

 

* * *

„სასოწარკვეთა ჯოჯოხეთია სულში, მანამ, ვიდრე სულს ჯოჯოხეთში ჩააგდებდეს"

* * *

„თქვენი ცოდვების ზომა დაადგინეთ მხოლოდ სიმდაბლით, შეზღუდეთ ამპარტავნება და არ გაზომოთ მისით ღვთის მოწყალება, რომელიც უსაზღვროა"

* * *

„ყველაფერზე შეიძლება გვეთქვას უარი, მაგრამ ჩვენს ცხოვრებაზე არასდროს, არასდროს!.."

* * *

„ადამიანს ღუპავს არა დიდება, არა ცოდვათა სიუხვე, არამედ - მოუნანიებლობა და გასასტიკებული გული"

* * *

„უფალი ცოდვილებს კი არ ასამართლებს, არამედ - მოუნანიებელ ცოდვილებს"

* * *

„ერთი თვალი მიაპყარი მოწყალე უფალს, მეორე კი მის სიმართლეს"

* * *

„სინანული დროის ხანგრძლივობაზე კი არაა დამოკიდებული, არამედ მონანულის გულმოდგინებაზე"

 

წმიდა ტიხონ ზადონელი

 

 

* * *

„უდიდესია შენი ცოდვები, მაგრამ ღვთის მოწყალება დაუსრულებელია. უხვად გაქვს ცოდვები, მაგრამ უფლის სიუხვე დაუთვლელია"

* * *

„უფალი კეთილია ყველასადმი, მაგრამ უპირველესად და უმეტესად - მონანული ცოდვილებისადმი"

* * *

„გახსოვდეს, რომ ქრისტე მოკვდა ცოდვილთათვის, და არა - მართალთათვის"

წმიდა ისააკ ასური

 

 

* * *

„ქრისტეს არ ეყოლებოდა მართალნი, მოწყალებით რომ არ მიეღო ცოდვილნი"

* * *

„წმიდანთა რიგი ყოველთვის იზრდება ცოდვილთა რიგიდან"

ნეტარი ავგუსტინე

 

 

* * *

„შეიძლება, ადამიანებზე იმედის დამყარება დაგვიანებული იყოს, მაგრამ უფლისადმი სასოება არასდროსაა გვიან"

წმიდა დიმიტრი როსტოველი