პროპაგანდის მსხვერპლი - დეკანოზი კონსტანტინე ჯინჭარაძე

 

   კოვიდიზმთან დაკავშირებული ორწლიანი საინფორმაციო (სინამდვილეში სადეზინფორმაციო) პროპაგანდა, რომელმაც მრავალი ადამიანი დასტრესა და შიშის სინდრომი ჩაუნერგა, ახალი საომარი პროპაგანდით შეიცვალა. სამწუხაროდ, პირველი, რისი მსხვერპლიც ადამიანი ხდება - ობიექტური ინფორმაციაა. ამიტომ, ნებისმიერი ინფორმაცია პოზიციური გამარჯვებისა თუ დამარცხების შესახებ ან უნდა გაყო (გამარჯვება) ან უნდა გაამრავლო (დამარცხება), რათა მეტნაკლებად დაიცვა თავი ცრუ პროპაგანდისაგან:

   ტყვედ ჩავარდნილი ადამიანი, როგორც წესი, მსახიობობს, ან იძულებულია იცრუოს, რათა შეინარჩუნოს სიცოცხლე, თავისუფლება, მატერიალური კეთილდღეობა. ცხადია, მსგავს „ინფორმაციაზე" აგებული პროპაგანდა ტენდენციურია და ერთი მხარის ინტერესებს ითვალისწინებს.

   საომარი პროპაგანდა, ატრობირებული მეთოდია თანამედროვე სამყაროში. ამით მარჯვედ მანიპულირებენ მხარეები. ჩვენი ამოცანაა, არ წამოვეგოთ არც ერთი მხარის ცრუპროპაგანდას, მით უფრო არ გავავრცელოთ ის, არამედ ვიყოთ ობიექტურები შეფასებაში, ჯანსაღად აღვიქვათ პროპაგანდისტული პროცესები ჩვენი ქვეყნის ინტერესებიდან გამომდინარე.

   ომი, ადრე თუ გვიან, დასრულდება. საკითხავი მხოლოდ ისაა, რა პირობებით. ორივე მხარისთვის ის იდეოლოგიური (და არავითარ შემთხვევაში მართლმადიდებლური) შინაარსისაა, როდესაც საკუთარი იდეა-ფიქსის გამო არ თმობს პოზიციას. ორივე მხარისთვის პოზიციის დათმობა კაპიტულაციის ტოლფასია.

   შესაძლებელია კი ამგვარი განსაცდელისაგან თავის დაღწევა? ღმერთმა უწყის? გამოსავალი ყოველთვის სინანულში, ცოდვათა აღიარებასა და გამოსწორების სურვილშია.

   ღმერთმა ყველას მშვიდობა მოგვმადლოს! დავრჩეთ ადამიანებად, ვილოცოთ და თანავუგრძნოთ განსაცდელში მყოფთ - ესაა, რისი გაკეთებაც შეგვიძლია.

   პანიკის თესვა და წყევლა-კრულვა ნებისმიერი მისამართით არაა გამოსავალი. ადამიანი თავის შეშფოთებას ბოღმითა და სარკაზმით გამოხატავს. ეს კი საერთო დაძაბულობის ფონს აძლიერებს და ურთიერთდაპირისპირებისა და სიძულვილის ატმოსფეროს ქმნის ჩვენს ქვეყანაშიც, რაც საერთო მტრის (ეშმაკის) წისქვილზე ასხამს წყალს. ეს კოშმარიც დასრულდება, მტარვალად ქცეული ადამიანი მტარვალადვე რჩება. ჩვენი ამოცანა კი კვლავინდებური რჩება - დავრჩეთ ადამიანებად!

დეკანოზი კონსტანტინე ჯინჭარაძე 

www.xareba.net - ის რედაქცია