ზრახვები

 

 

 

„განსაცდელებს ვერავინ გაექცევა, მაგრამ შესაძლოა, დაცემას თავი ავარიდოთ".

 

წმიდა ეფრემ ასური

 

 

* * *

„იმისათვის კი არ განვიკითხებით, რომ ჩვენში ზრახვები შემოდის, არამედ იმისათვის, რომ ჩვენ მათ ცუდ მიმართულებას ვაძლევთ".

 

წმიდა ბარსანოფი დიდი

 

 

 

* * *

„ნურასდროს დაუშვებ შენს გულში შემოვიდეს ზრახვა, რომელიც ღმერთს განარისხებს".

 

ამბა სილუანი

 

 

* * *

„როგორც მორიელს უბეში ვერ შეინახავ, ასევე ნუ გააჩერებ გულში ცუდ აზრს".

 

წმიდა ტიხონ ზადონელი

 

 

* * *

„როგორც ნაპერწკალი აალებამდე ადვილად ქრება, ასევე ცუდი ზრახვა დასაწყისშივე ადვილად ითრგუნება".

 

 

* * *

„მზაკვარ აზრს ისევე არ უნდა მისცე სულში გაზრდის საშუალება, როგორც ბალახს - ბოსტნეულის კვალში".

 

წმიდა ეფრემ ასური

 

 * * *

 

„ნურასდროს იფიქრებ, რომ არად ჩააგდო ზრახვები, რამეთუ არანაირი აზრი უფლისაგან დაფარული არ დარჩება".  

 

* * *

„ქარის მოძრაობის გარეშე ღრუბლები არ წარმოიქმნება; ასევე არ გაჩნდება ცოდვა ზრახვების გარეშე".

 

წმიდა მარკოზ მოსაგრე

 

 

* * *

„ყველა სცოდავს იმის გამო, რომ ავი ზრახვის გაჩენისთანავე წინააღმდეგობით არ განაგდებს მას".

 

ამბა სერენი

 

 

* * *

„ხშირად მიმართე გონება ლოცვისაკენ და გულთან მოსულ ზრახვებს განდევნი".

 

ამბა ფალასი

 

 

* * *

„საკუთარ სხეულს მეტისმეტად ნუ გამოკვებავ და შენში ცუდი ზრახვები შესუსტდებიან".

 

ამბა ევაგრე

 

 

* * *

„როგორც ძლიერი წამლები კურნავენ მძიმე ავადმყოფობებს, ასევე მარხვა და ლოცვა განდევნის ავ ზრახვებს".

 

 

* * *

„როგორც ბნელი ხვრელიდან სინათლეზე ამომძვრალი გველი ცდილობს გაქცევასა და მიმალვას, ასევე გულახდილი აღსარებით გამჟღავნებული ბოროტი ზრახვები ადამიანისაგან გაქცევას ცდილობენ".

 

ამბა მოსე