სიტყვა

 

   ბაღი ღობის გარეშე გაითელება და გაჩანაგდება: და ვინც არ ინახავს თავის ბაგეებს, იგი დაღუპავს ნაყოფს (სათნოებებისა).

წმიდა ეფრემ ასური

   ვინც სიტყვას არაფრად აგდებს, დაზარალდება; მცნების მოშიში კი სამაგიეროს მიიღებს.

იგავნი სოლომონისა, თ. 13-14

   თანაბარი სიავეა - უკეთური ცხოვრებაც და უკეთური სიტყვაც. თუ გაქვს ერთი, გექნება მეორეც.

წმიდა გრიგოლ ღვთისმეტყველი

   თუ ერთიანდება სიტყვა და ცხოვრება (საქმე), მაშინ ისინი შეადგენენ სიბრძნისმოყვარების მთელ სილამაზეს.

წმიდა ისიდორე პელუზიელი

   კარგად და უცოდველად საუბარი რომ ვისწავლოთ, ჯერ უნდა შევისწავლოთ მდუმარება.

სქიმონაზონი ზოსიმე

   კარგზე საუბარი მასაც მართებს, ვინც კარგს არ ჩადის, რათა სიტყვებით შერცხვენილმა საქმის კეთებაც დაიწყოს.

წმიდა ნილოს სინელი

   კაცის ბაგის სიტყვები ღრმა წყალია, სიბრძნის სათავე კი - მოჩუხჩუხე ნაკადული.

იგავნი სოლომონისა, თ. 17-18

   მოიქეცი ისე, რომ საქმემ სიტყვის მაგივრობა აღასრულოს და ილაპარაკე ისე, რომ სიტყვა საქმის ნაცვლად იყოს.

წმიდა ისიდორე პელუზიელი

   მრავალმეტყველი ადამიანი არ უტოვებს თავის თავში ადგილს სულიწმიდას.

წმიდა ანტონი დიდი

   მსჯელობა ყველაზე უკეთესია, მოსმენა ყველაზე საჭირო, მდუმარება ყველაზე უკეთესი, მრავალმეტყველება - ყველაზე ცუდი.

სქიმონაზონი პართენი

   რადგან სიბრძნე სიტყვით შეიცნობა და ცოდნა - ენის მეტყველებით, წინ ნუ აღუდგები ჭეშმარიტებას და შენი უმეცრებისა გრცხვენოდეს.

სიბრძნე ზირაქისა, თ. 4-6

   როგორც გემოთმოყვარეობისაგან იბადება მტანჯველი ფიქრები, ასევე მრავალმეტყველებისაგან და უპატიო საუბრებისგან ჭკუიდან გადასვლა.

წმიდა ისააკ ასური

   ტკბილი ბაგე მეგობრებს იმრავლებს, ამაოდმეტყველი ენა კი - კეთილ განწყობას.

სიბრძნე ზირაქისა, თ. 4-6

   უჭკუო ადამიანის სიტყვა ზღვის ხმაურიანი ტლაშუნია, რომელიც ნაპირზე ეხეთქება, მაგრამ სანაპიროს მცენარეებს ვერ ვნებს.

წმიდა გრიგოლ ღვთისმეტყველი

   ღრუბელი მზეს ეფარება; ხოლო მრავალმეტყველება აბნელებს სულს, რომელმაც ლოცვითი ჭვრეტით განათლება დაიწყო.

წმიდა ისააკ ასური

   შეუბრალებელია საკუთარი თავის მიმართ, ვინც არ უფრთხილდება სიტყვებს, თავს ვერ დაიცავს სიავისა და ბორკილებისაგან.

სიბრძნე ზირაქისა, თ. 13-14

   ცუდი სიტყვა კეთილ საქმეებსაც ცუდს ხდის, კეთილი სიტყვა კი ცუდ საქმეებსაც აკეთილშობილებს.

წმიდა მაკარი დიდი

Xareba.net - ის რედაქცია