სიმდიდრე
5-12-2022, 17:14
არ შეიძლება, ქრისტესადმი მსახურება მამონისადმი, ანუ სიმდიდრისადმი მსახურებას შეუთავსოთ.
მთ. 6, 25
დავადანაშაულოთ არა თავად საგნები, არამედ, გარყვნილი ნება: რამეთუ შეიძლება, სიმდიდრეც გქონდეს და არ ცდუნდებოდე მისით.
წმიდა იოანე ოქროპირი
დასაბამი და ფესვი ყოველგვარი სიმდიდრისა უსათუოდ რაღაც უსამართლობაში, რომელიღაც ძალადობაშია.
წმიდა იოანე ოქროპირი
ვახშითა და სარგებლით სიმდიდრის მომხვეჭელი ღარიბ-ღატაკთა განკითხვისათვის აგროვებს მას.
იგავნი სოლომონისა, თ. 28-29
ვერცხლისმოყვარეობის დასაბამი მოწყალების გულისსიტყვაა, ხოლო მისი აღსასრული - გლახაკთა სიძულვილი.
წმიდა იოანე სინელი
ვეცადოთ, რომ ქონება, რომელიც ღირსია დაიღუპოს, იმ ჯილდოდ შეცვალოთ, რომელიც არასდროს იღუპება.
წმიდა გრიგოლ დიოლოღოსი
ვინც არასამართლიანად გამდიდრდა, ღატაკზე უარესია; უკეთესია მოწყალება ითხოვო, ვიდრე იპარო.
წმიდა მღვდელმთავარი ნიკოლოს სერბი (ველიმიროვიჩი)
ვინც სიმდიდრის მონაა, იგი ისე ინახავს მას, როგორც მონა, ხოლო ვინც გადაიგდო მონობის უღელი, იგი გასცემს სიმდიდრეს, როგორც ბატონი.
ნეტარი ავგუსტინე
ზედმეტს ნუ მოისურვებთ: მცირედითაც კმაყოფილნი ვიყოთ - და ყოველთვის მდიდრები ვიქნებით.
წმიდა იოანე ოქროპირი
მაშინ ვიხვეჭთ სიმდიდრეს, როდესაც იგი გვძაგს და მხოლოდ უფლისაგან ვეძიებთ სიმდიდრეს.
წმიდა იოანე ოქროპირი
მდიდარია არა ის, ვინც ბევრი მოიხვეჭა, არამედ ის, ვინც ბევრი გასცა.
სულიერი მარგალიტი
მდიდრები კი არა, სიმდიდრის მსახურნი განისჯებიან.
წმიდა იოანე ოქროპირი
მდიდრები მხოლო მაშინ შევლენ ცათა სასუფეველში, როდესაც მათ ღარიბები შეიყვანენ.
ლ. 16, 9
მიიჩნიე სიმდიდრე სხვა არაფრად, თუ არა - ეკლად, რომელიც ერჭობა და ასისხლიანებს მას, ვინც მას ხელს მოჰკიდებს.
ნეტარი ავგუსტინე
ნეტარია მდიდარი, რომელიც არასდროს კარგავს მხედველობის არიდან მადლის სიმდიდრეს.
წმიდა იოანე ოქროპირი
რა სასარგებლოა მდიდრისათვის ყველა სიკეთის ფლობა, როდესაც იგი არ ფლობს უფალს - უმაღლეს სიკეთეს?
ნეტარი იერონიმე
საზიანოა არა მხოლოდ ზრუნვა სიმდიდრის მოპოვებისათვის, არამედ ზედმეტი ყურადღებაც კი ყველაზე აუცილებელი საგნებისადმი.
წმიდა იოანე ოქროპირი
სახლში საგანძური სახიფათოა: გლახაკთა ხელში კი - უსაფრთხო.
წმიდა იოანე ოქროპირი
სიკვდილის ჟამს იმას მიაქვს თავის სიმდიდრე თან, ვინც მათხოვრებს დაურიგა.
წმიდა მამა გრიგოლ დიოლოღოსი
სიმდიდრე ბიწიერთათვის წინააღმდეგობაა, კეთილთათვის კი - სათნოებებში შემწეა.
წმიდა ამბროსი მედიოლანელი
სიმდიდრე მრავალ მეგობარს ჰმატებს, უპოვარს კი გაურბის.
იგავნი სოლომონისა, თ. 18-19
უფალმა იმიტომ მოგვცა სიმდიდრე, რომ მისით ზეცა იყიდო.
წმიდა იოანე ოქროპირი
ქარით მოტანილი სიმდიდრე ცოტავდება, ხელით შემგროვებელი კი აბევრებს.
იგავნი სოლომონისა, თ. 13-14
ყველაზე დიდებული სიმდიდრე ისაა, რომ არ გქონდეს სიმდიდრის მოთხოვნილება.
წმიდა ისიდორე პელუზიელი
ჭეშმარიტი სიმდიდრე ისაა, რომელსაც ისე ფლობ, რომ დაკარგვა არ შეგიძლია.
ნეტარი ავგუსტინე
Xareba.net - ის რედაქცია
უკან დაბრუნება