მთავარი > წმ. მამათა საგანძურიდან, მთავარი გვედის ფოტო > დემონი

დემონი


6-01-2019, 00:02

დემონი

 

   ბოროტი სულების დიდი რაოდენობა ავსებს ჰაერს, რომელიც ცასა და მიწას შორისაა განფენილი და რომელშიც ისინი შეწუხებულნი საქმიანად მოძრაობენ, ღვთის განგებულებამ ისინი, ადამიანთა სასარგებლოდ, მათი თვალთახედვიდან დაფარა და მოაცალა. სხვაგვარად, ეშმაკთა თავდასხმებსა და საშინელ შესახედაობებს, რომლებსაც ისინი საკუთარი ნება-სურვილით იღებენ, ადამიანები ვერ აიტანდნენ და განცვიფრებულნი გონს დაკარგავდნენ.

   უწმინდური სულები რომ სხვა, უფრო ბოროტი ძალებით იმართებიან და მათ მორჩილებენ, ამას წმიდა წერილში ფარისევლის ცილისწამებაზე უფლის პასუხი მოწმობს: „და უკუეთუ მე ბელზებულითა განვასხამ ეშმაკთა, ძენი თქუენნი რაითა განასხმენ?" (მათ. 12, 27). ამასვე გვასწავლის წმინდანთა გამოცდილება და გამოცხადებანი.

 

წმიდა კასიანე

 

 

   დემონები, მარჯვედ ცდუნების მიზნით, ადამიანებს უმეტეს შემთხვევაში ნათლის ანგელოზების სახით ევლინებიან და ზოგჯერ იმასაც ცდილობენ, ადამიანად მოაჩვენონ თავი. ეშმაკები ხანდახან მომავალსაც კი წინასწარმეტყველებენ და ზოგჯერ საიდუმლოებებსაც ხსნიან, მაგრამ მათი ნდობა არაფრით არ შეიძლება. მათ ჭეშმარიტება სიცრუეში აქვთ არეული. ჭეშმარიტებას დროდადრო იყენებენ ადამიანთა უკეთ ცდუნების მიზნით. წმიდა მოციქულმა პავლემ თქვა: „ეშმაკი იცვალვისვე ანგელოზად ნათლისა. არა უკუე დიდ არს, მსახურნიცა თუ მისნი გარდაიცვალნენ, ვითარცა მსახურნი სიმართლისანი" (2 კორ. 11, 14-15) (ეპისკოპოსი ეგნატე, თხზ. კრებ. ტ. III, გვ. 7-9).

 

მღვდელმონაზონი სერაფიმე როუზი

 

 

   ჩვენს დაცემამდე დემონები ღმერთს კაცთმოყვარედ წარმოგვიდგენენ, დაცემის შემდგომ კი - შეუწყნარებლად.

 

წმიდა იოანე კიბისაღმწერელი

 

 

 

   ყველა ადამიანისთვის საზოგადო წესია, რომ არაფრით არ ენდოს სულებს, როდესაც ისინი გრძნობადი სახით ევლინებიან; რომ მათთან არ ისაუბროს და არავითარი ყურადღება არ მიაქციოს. სულთა გამოცხადება ადამიანმა უდიდეს და სახიფათო საცდურად უნდა ჩათვალოს. ამგვარ განსაცდელში ღმერთს უნდა მივაპყროთ გული და გონება, ვილოცოთ შეწყალებისა და განსაცდელისგან ხსნისათვის. უდიდესი უგუნურებაა ცნობისმოყვარეობით და მათგან რაიმეს შეტყობის მიზნით სულების ხილვის სურვილი. ამგვარი სურვილი უგუნურებაცაა და მართლმადიდებელი ეკლესიის ზნეობრივი და სამოღვაწეო გადმოცემის სრული უვიცობაც.

 

მღვდელმონაზონი სერაფიმე როუზი

 

 

 

Xareba.net - ის რედაქცია 


უკან დაბრუნება