ქალის სამკაული (პატერიკონი)

 

   ოქროს სამკაულებით შემკული და აბრეშუმის მდიდრული სამოსით შემოსილი ახალგაზრდა ქრისტიანი ქალი აბბა პეტრესთან მივიდა. იგი გაფურჩქვნის ასაკში იყო. კეკლუცობდა თავისი სიყმაწვილით, ხოლო სათნოებაში სრულყოფილებისათვის ჯერ კიდევ ვერ მიეღწია. შენიშნა რა ეს სისუსტე ღირსმა მამამ, შეგონებით განკურნა ქალწულის მიდრეკილება კეკლუცობისაკენ.

   „- მითხარი, შვილო ჩემო, თუკი გამოცდილი მხატვარი ყველა წესის დაცვით დახატავს ნახტს, აჩვენებს მას ხალხს და მოვა ვინმე არმცოდნე ხატვის წესისა, თვითნებურად მხატვარი და დაუწყებს ამ ნახატს დამახინჯებას, წამწამებსა და წარბებს უფრო ღია ფერს დაადებს, სახეს გაათეთრებს, ღაწვებს საღებავს მიუმატებს, როგორ ფიქრობ, ჯეროვნად არ განრისხდება მხატვარი იგი, მხედველი თავისი ნამუშევრის ასეთი შეურაცხყოფისა, გაკეთებულს უცოდინარის ხელით, რომელმაც ნახატში არასაჭირო დამატებები შეიტანა? მაშ, დაიჯერე, შემოქმედი ყოველივესი, ჩვენი ბუნების შემქმნელი და მხატვარი, შეურაცხყოფილია თქვენი საქციელით. თითქოს თქვენ მას ადანაშაულებთ არასრულყოფილებაში. თქვენ არ დაიფარავდით სახეს თეთრი ან შავი ფერებით, თუკი არ ფიქრობთ, რომ რაღაც გაკლიათ, გაკლიათ რაღაც აუცილებელი. ამით კი უნებურად ადანაშაულებთ შემოქმედს უძლურებაში, როცა ყველასათვის ცნობილია, რომ მას გააჩნია ძალა ტოლფასი სურვილისა. „რაოდენი ინება უფალმა - ამბობს დავითი - ჰქმნა ცათა შინა" (ფს. 136; 6). ყველას მისცა მისთვის სასარგებლო და არ მისცა ის, რაც დააზარალებდა. ამიტომ ნუღარ ამახინჯებთ უფლისაგან ბოძებულ სახელს, ნუ ცდილობთ მიუმატოთ ის, რაც არ მოგცათ ყოვლადბრძენმა. ნუ მოიგონებთ ხელოვნურ სილამაზეს, რომელიც უბიწოთაც გახრწნის".

   დაბრუნდა სახლში ქალი, მოიხსნა სამკაულები და იმ დღიდან დაიწყო ისეთი ცხოვრება, როგორიც ბერმა შთააგონა.

   პატერიკებიდან ჩანს, რომ ქალური სისუსტეები ძველ ქრისტიან სულიერების მოყვარე ქალებსაც ჰქონიათ. მაგრამ თანამედროვეთაგან განსხვავებით რა მგრძნობიარენი არიან ისინი მადლმოსილი შეგონებისადმი და როგორ ძალუძთ მეყვსეულად შეიტანონ გარდატეხა თავიანთ ცხოვრებაში.

   ჭეშმარიტება მოითხოვს, რომ საცდურთა მომრავლებისა და მათი საყოველთაოდ გავრცელების მიუხედავად, ქრისტიანები ქრისტეს სულის ერთგულები დარჩნენ. სოფელმა მოლოდინს გადააჭარბა. ბორგნეული სოფელი ახალ-ახალ წარმოუდგენელ სიბილწეებს ამკვიდრებს ადამიანთა ცხოვრებაში. ზენიტი ამ გაუკუღმართებული ანტიკულტურისა, სქესის შეცვლის ამაზრზენი ფაქტია (აღარაფერს ვამბობთ ყოველგვარ სექსუალურ უკუღმართობათა ხელშეწყობასა და სექსისა და ძალადობისა პროპაგანდაზე). ყველაფერ ამას კი პროპაგანდას ამ ბილწი კულტურის მესაჭენი უწევენ. (მაგ: ცნობილმა ინგლისელმა მომღერალმა ელტონ ჯონმა განაცხადა, რომ ახლო მომავალში მას განზრახული აქვს სქესის შეცვლა. აი მისი სიტყვები: „ყოველთვის მსურდა განმეცადა ის, რასაც ქალი განიცდიდა").

   დებო და ძმებო, ბევრი რომ არ გავაგრძელოთ, ზემოთ თქმულიც საკმარისია იმისათვის, რომ ქრისტიანი ზიზღით განერიდოს ამ ბორგნეულ ანტიქრისტიანულ კულტურას და მთელი ძალებით ეძიოს გადარჩენა წმინდა მართლმადიდებელი ეკლესიის წიაღში.

Xareba.net - ის რედაქცია