მართებული მიდგომა - მღვდელმონაზონი სერაფიმე როუზი

 

   ჩვენი პირველი ამოცანა აპოკალიპსის წიგნის განმარტებისას არის ის, რომ აპოკალიპსის სახეებს არ ვაიგივებდეთ თანამედროვე მო-ვლენებთან. ზოგიერთი ადგილის განმარტებისას ჩვენ, შესაძლოა, მცირედ ვისაუბროთ კიდეც ამის შესახებ, მაგრამ ეს სულაც არ არის ჩვენი მთავარი მიზანი. ასეთი მსგავსება გაცხადდება მხოლოდ მაშინ, როცა ეს მოვლენები სინამდვილეში აღსრულდება. იმ დრომდე კი ჩვენ თავი უნდა შევიკავოთ რაიმე მსჯელობებისაგან და ძალზე დაკვირ-ვებულნი ვიყოთ. შესაძლოა, რუსეთი იყოს კიდეც ის, ჩრდილოეთის მეფე, თუკი ამ მოვლენებს ჩვენს სიცოცხლეში უწერიათ აღსრულება, მაგრამ სანამ ჩვენ არ დავინახავთ აპოკალიპსის წიგნში აღწერილ ნამდვილად აღსრულებულ მოვლენებს, მეტისმეტად არ უნდა გან-ვიცდიდეთ ყოველივე ამის გამო.

   ჩვენი მთავარი საზრუნავი აპოკალიპსის წიგნის განმარტებისას უფ-რო ღრმაა. ჩვენ იგი უნდა განვიხილოთ როგორც ქრისტეს ეკლესიის ბუნებისა და ბედის, მისი მტრების - ეშმაკის, ამაქვეყნისა და ანტიქრისტეს მისტიკური აღწერა. ამის გაცნობიერება დაგვეხმარება თავიდან ავიცილოთ ბევრი ელემენტარული შეცდომა, რომლებსაც პროტესტანტები უშვებენ ათასწლეულთან - ამქვეყნად ქრისტეს ეგრეთ წოდებულ ათასწლოვან განმგებლობასთან დაკავშირებით (ჰილიაზმი - რედ.), რაც მწვალებლობაა; აგრეთვე ანტიქრისტეს ბუ-ნებისა და მისი ბატონობის ნამდვილი არსობრიობის და ა. შ. შესახებ.

   ისევე, როგორც მთელი საღმრთო წერილის განმარტებისას, ჩვენ აპ-ოკალიპსის წიგნს უნდა ვკითხულობდეთ ბიბლიის სხვა წიგნებთან ერთად, მათთან კავშირში, რადგან ისინი ბევრ რამეს ხსნიან ამ წიგნში, განსაკუთრებით ეს ითქმის წინასწარმეტყველ დანიელის წიგნზე, რომლის ზოგიერთი სახე ზედმიწევნით ემთხვევა აპოკალიპსის სახ-ეებს. და კვლავაც, ჩვენ უნდა გვახსოვდეს ძველი დროის ღმე-რთშემოსილი წმიდა მამების განმარტებანი, და არამც და არამც არ უნდა ვეყრდნობოდეთ მხოლოდ საკუთარ გონიერებას, ჩვეულ გა-გებას.

   და რაც უფრო ღრმა არის ჩვენი საკუთარი სულიერი ცხოვრება, მით უფრო ღრმა იქნება ამგვარი წიგნების ჩვენეული გაგება. ჩვენთვის არა ჯერ-არს ვკითხულობდეთ ამ წიგნს, სანამ მუდმივ სულიერ ცხოვრებას არ დავიწყებთ, რომელშიც უსათუოდ გვექნება დათმობილი დრო ლოცვისათვის, სულიერი კითხვისათვის ჩვენი სულიერი მოძღვრის ხელმძღვანელობით. მაშინ ჩვენ სწორ გზაზე ვიქნებით დამდგარნი.

 

 

მღვდელმონაზონი სერაფიმე როუზი 

 წიგნიდან „ეხლა უკვე უფრო გვიანაა, ვიდრე თქვენ გგონიათ"