მღვდელომოწამე პეტრე უსკოკოვიჩი - სამრევლო მღვდელი (ხს. 17 მაისი)

 

 

   მღვდელი პეტრე უსკოკოვიჩი 1908 წლის 31 ოქტომბერს წმიდა მოც-იქულისა და მახარებლის ლუკას ხსენების დღეს დაიბადა დანილ-ოვგრადსკის მაზრის ქალაქ ნოვოე სელოში. მან სასულიერო განათ-ლება ცეტინსკის სასულიერო სემინარიაში მიიღო. პეტრე უსკოკოვიჩი იანა ვუკჩევიჩზე დაქორწინდა. მათ ჰყავდათ ხუთი შვილი - ვაჟები რანკო, სლობოდანი, ალექსანდრე, დრაგოლუბი და ქალიშვილი სონია. 1928 წლის 8 ნოემბერიდან 1933 წლის 11 ივლისამდე მამა პეტრე საეკლესიო სასამართლოში თანაშემწედ და მწერლად მსახურობდა. განათლებული და ნიჭიერი ახალგაზრდა მღვდელმსახური აქტიურ და მრავალმხრივ საეკლესიო და საზოგადოებრივ საქმიანობას ეწეოდა. 1932 წელს მას პროტოდიაკვნის წოდება მიენიჭა და სიგელითა და წითელი სარტყლით დაჯილდოვდა.

   1933 წლის 11 ივლისს მამა პეტრემ სამღვდელო ხელდასხმა მიიღო და ეპარქიალური განმგებლობის მდივნად დაინიშნა, ხოლო 1939 წლის 21 აგვისტოს ცეტინსკის საეკლესიო სასამართლოს წევრი გახდა. ცეტინსკის გიმნაზიაში იგი საღმრთო სჯულს ასწავლიდა. მამა პეტრე მრავალი პატრიოტული სტატიის, საღმრთისმეტყველო გამოკვლევისა და პედაგოგიური ნარკვევის ავტორია, რომლებიც იმ დროის სხვა-დასხვა საერო და საეკლესიო ჟურნალებში გამოქვეყნდა.

   ომის დასაწყისისთანავე მამა პეტრე ჩერნოგორელმა სეპარატისტებმა დააპატიმრეს, სატუსაღოში ჩაამწყვდიეს და აწამეს. ღმრთისადმი ერთ-გულება და მრავალსაუკუნოვანი სულიერი ეროვნული ტრადიცია დაეხმარა მას აეტანა თავსდატეხილი ტანჯვა, რომელთა შემდგომ დი-დხანს და ძნელად იკურნებოდა. აღიდგინა ძალები და 1942 წლის იანვარს იგი, როგორც ქრისტეს ერთგული მეომარი, საღმრთო მსა-ხურებას დაუბრუნდა. ომიანობის წლებში მამა პეტრე მოშურნეობით და გულმხურვალედ ემსახურებოდა საყვარელ ხალხსა და ეკლესიას. განსაკუთრებით ზრუნავდა იგი სამწყსოს მორალურ და ზნეობრივ აღზრდაზე: გამოსცემდა მართლმადიდებელი სარწმუნოებითა და ერ-ოვნული ტრადიციებით ახალგაზრდობის აღზრდისადმი მიძღვნილ ჟურნალ „კურთხევანს," ჩამოაყალიბა წერა-კითხვისა და წიგნიერების ასამაღლებელი კურსები.

  მღვდელმოწამე პეტრემ მოწამეობრივი თასი მიიღო 1945 წლის 17 მაისს. იგი მოკლეს თავისი ქალიშვილის სონიას თვალწინ, რომელ-მაც ელდას ვერ გაუძლო და ერთი წლის თავზე აღესრულა.