უშვილო მეუღლეებს

 

წმინდა ანას მიერ მუცლადღება ყოვლადწმინდისა ღმრთისმშობელისა, იმავ დღეს ხსენება წმინდა წინასწარმეტყველ ანასი, სამუელ წინასწარმეტყველის დედისა

 

  უშვილო მეუღლეები, როგორც წესი, ძლიერ სწუხან უნაყოფობის გამო. ზოგს აქვს ყველაფერი: სიმდიდრეც, მაღალი მდგომარეობაც საზოგადოებაში, ჯანმრთელობაც, იღბალიც; შვილები კი არა და არ უჩნდება. და მათი ყოლის სურვილი ზოგს ტანჯვადაც კი გადაექცევა ხოლმე. რით ვანუგეშოთ ამგვარი ადამიანები და რა რჩევა მივცეთ მათ?

   ძველად მცხოვრები ღვთისმოსავი უშვილო მეუღლეების ცხოვრება გვასწავლის, ამ დროს ლოცვაში ვპოვოთ შემწეობა. მხურვალე ლოც-ვით შესთხოვდა უფალს სამუელის დედა ანა შვილიერებას, ხმაც კი უწყდებოდა მღელვარებისგან; მაგრამ შესმენილ იქნა მისი ლოცვა და შვა დიდი წინასწარმეტყველი, ღმერთის რჩეული და თითქმის ნახე-ვარი საუკუნის მანძილზე ღვთის ერის საუკეთესო მსაჯულად მჯდო-მი, არანაკლებ მხურვალე იყო ლოცვა ყოვლადწმინდა ღვთისმშობლის დედისა, რომელიც ღაღადებდა:

   -აწ მომხედე, უფალო, და ისმინე ჩემი ლოცვა. დამხსენი გულის სენი და უნაყოფო ნაყოფიერად გამოაჩინე.-შესმენილი იქნა ეს ლოცვაც და მასა და მის ქმარს ეყოლათ ასული, ვინც შემდგომში დედად ღვთისა შეიქნა. დაბოლოს, ფუჭად არ ჩაუვლია არც ზაქარიასა და ელისაბედის ლოცვას, როგორც ანგელოზმა აუწყა: ნუ გეშინინ, ზაქარია, რამეთუ შეესმეს ვედრებანი შენნი, და ცოლმან შენმან ელისაბედ გიშვეს შენ ძე, და უწოდი სახელი მისი იოანე. და იყოს შენდა სიხარული და მხიარულებაჲ (ლუკ. 1, 13-14). თქვენც, უშვილო მეუღლეებო, ამ ხერხს მიმართეთ, და ღმერთი თქვენს ლოცვასაც შეისმენს. მაგრამ თქვენ იტყვით:

   -ვლოცულობთ, მაგრამ როგორც ჩანს, უფალი ყურად არ იღებს.-თუ-კი ასეა, გააძლიერეთ და, თუკი მოკლე და უსრული იყო, შეავსეთ იგი. რით? აჩვენეთ უფალს, რომ არა საკუთარი მიწიერი ლხენისთვის სთხოვთ შვილებს, არამედ იმისათვის, რომ ღმერთსავე მისცეთ ისინი და მათი საშუალებით გააგრძელოთ ღვთისადმი მსახურება. ასე აღუ-თქვამდა ღმერთს ორივე ხსენებული ანა. სამუელის დედა ამბობდა: უფალო, თუ მოხედავ შენი მხევლის ტანჯვას, თუ გამიხსენებ და არ დაივიწყებ შენს მხევალს, და მისცემ შემს მხევალს ვაჟიშვილს, უფალს დავუთმობ მას, ვიდრე ცოცხალი იქნება (1 მეფ. 1,11). ყოვ-ლადწმინდა ღვთისმშობლის დედაც ამბობდა:

   -მაშინ, უფალო (ანუ, თხოვნის აღსრულებისას), დაბადებულ ბავშვს შენ მოგიყვანთ ძღვნად, დავლოცავთ, ვუგალობებთ და ვადიდებთ შენს გულმოწყალებას.-როგორც ხედავთ, ამგვარი აღთქმები სასარგებ-ლოა შვილის მოცემის ვედრებისას, ამიტომ მიურთეთ ისინი თქვენს ლოცვებს; ის მაინც აღუთქვით უფალს, რომ, თუკი გაკურთხებთ შვი-ლოსნობით, ღვთის შიშში აღზრდით ბავშვებს, მართლმადიდებლურ სარწმუნეობაში და მართლმადიდებლური ეკლესიის მორჩილებაში. ლოცვებს ღვთისმოსავი ცხოვრება დაურთეთ. გახსოვდეთ, რომ თავ-დაპირველად უშვილო, მაგრამ შემდგომ უფლისგან შვილებით ნაკუ-რთხი აბრაამი და ისააკი; აგრეთვე სამსონისა და სამუელის, აგრეთვე ყოვლადწმინდა ღვთისმშობლისა და უფლის წინამორბედის მშობლე-ბი-ყველანი ღვთისმოსავი ადამიანები იყვნენ. მათგან აიღეთ მაგალი-თი. და თუკი მათსავით მოიქცევით, არა მხოლოდ შვილები, შვილი-შვილებიც შეგეძინებათ,და შენი იმედი არ წარიკვეთება (იგავ. 23,18). ამინ.

„სვინაქსარი". ტომი I.