ცოდვებისაგან თავის დასაცავად უნდა გვახსოვდეს, რომ საჭიროა ეშმაკთან მუდმივად ბრძოლა

 

ბოროტი მუდმივად გვებრძვის და მისი დამმარცხებელი ჯილდოს გარეშე არ დარჩება

 

   იცოდეთ, ძმებო, ცოდვებისაგან თავდასაცავად უკეთესია გვახ-სოვდეს, რომ ჩვენი ცხონების მტერი მუდმივად გვებრძვის და ვინც მას დაამარცხებს, ამ გამარჯვებისათვის საიქიოს დიდების გვირგ-ვინით დასაჩუქრდება უფლის მიერ. ეს შემდეგიდან ჩანს.

   ერთი ბერი მოსე ფრიად გაწამებული იყო ეშმაკებისაგან, ისინი ხორციელი ცოდვებისაკენ უბიძგებდნენ მას. ბერს აღარ შესწევდა ძალა მათ გაქცეოდა და ამიტომ თავის მოძღვართან-ისიდორესთან წავიდა, რომელსაც თავისი შინაგანი ბრძოლის შესახებ აუწყა. ხუცესი ევედრებოდა სენაკში დაბრუნებულიყო, მაგრამ მოსე ვერ დაიმორ-ჩილა. მაშინ მოძღვარმა მთაზე აიყვანა და უთხრა:

   -გაიხედე დასავლეთისკენ!

   მოსემ გაიხედა და იხილა მრავალი ეშმაკი, მასთან საბრძოლველად გამზადებულნი. რამდენიმე ხნის შემდეგ ისიდორემ თქვა:

   -ახლა ყურადღებით დააკვირდი აღმოსავლეთს!

   მოსე დააკვირდა და იხილა ზეციური დიდებით გაბრწყინებული უთვალავი ადამიანი. მაშინ ამბა ისიდორემ უთხრა მოსეს:

   -ვისაც შენ ხედავ აღმოსავლეთით, ჩვენს დასახმარებლად გამოგ-ზავნილი წმინდანები არიან, რათა ბოროტის დამარცხებაში შეგვე-წიონ; ესენი კი ვინც დასავლეთით ნახე, ჩვენი მტრები არიან, რომელთაც ჩვენი დაღუპვა სურთ.

   მამა ისიდორეს სიტყვებმა და ნანახმა მხნეობით აღავსო მოსე, მან უფალი განადიდა და სულიერად განმტკიცებული თავის სენაკში დაბრუნდა.

   რა სიკეთეს მოგვიტანს ამგვარი მსჯელობა? პირველ რიგში იმას, რომ როგორც ჩვენ უკვე მოსეს ხილვიდან ვიცით-ეშმაკი, როგორც გამძვინვარებული ლომი, ჩვენს შთანთქმას ცდილობს. ჩვენ მუდ-მივად თვალ-ყური უნდა ვადევნოთ საკუთარ თავს, გულისთქმასა და საქმეს. უნდა ვიბატონოთ საკუთარ თავზე და ეშმაკთან საბრძოლ-ველად აღვიჭურვოთ ყველა იმ საშუალებით, რაც საღვთო წიგნებშია მითითებული. მოსეს ცხოვრებიდან გავიგეთ ისიც, რომ ისინი, ვინც ეშმაკს დათრგუნავენ, უფლისაგან დიდების გვირგვინით შეიმო-სებიან. ბოროტთან ბრძოლაში მარტო არა ვართ, ვინაიდან ზეცაში უამრავი უხილავი მეგობარი გვყავს, რომლებიც ჩვენთვის უფლის წინაშე ლოცულობენ.

   ამრიგად, ვიმედოვნებთ, რომ ჩვენს მიერ შემოთავაზებული ეშმაკ-თან ბრძოლის საშუალებები თქვენთვის სასარგებლო და მაცხოვ-ნებელი იქნება, თუკი, რა თქმა უნდა, ყურს მიუგდებთ და დაეყრდ-ნობით მათ. ამინ.

 

 

„სვინაქსარი". ტომი II.